Gjatë tre mujorit të parë të vitit 2014 është raportuar për një rënie të bizneseve. Për tre muaj janë shuar 434 biznese. Kjo jep shenja se po rritet numri i bizneseve të shuara.
Drejtori i Riinvest dhe analisti ekonomik Lumir Abdixhiku, thotë se shuarja e bizneseve është si pasojë e një ambienti të rënduar në një vend të ndërlidhur me burokraci, korrupsion dhe konkurrencë jo fer. Sipas Abdixhikut mungesa e e programeve që ndihmojnë bizneset vendore, ka bërë që në Kosovë të ketë mundësi të vogla për punësim.
“Rënia e performancës së bizneseve është pasojë e drejtpërsëdrejti e një ambienti të rënduar ekonomik në vend, i ndërlidhur me burokraci, neglizhencë, korrupsion dhe konkurrencë jo fer; të gjitha të shkaktuara nga një keqmenaxhim i institucioneve publike. Për më tepër mungesa e programeve që ndihmojnë dhe synojnë veçanërisht bizneset vendore ka bërë që në Kosovë të kemi mungesë serioze të vlerës së shtuar në sektorin privat, rrjedhimisht rënie të performancës e në fund mundësi të vogla për punësim”, thotë Abdixhiku.
