Frutat e thata nuk duhet të mungojnë kurrë në tavolinë për të qëndruar në formë dhe për të mbajtur diabetin larg, ndaj duhen ngrënë sa më shumë arra, lajthi, bajame dhe fruta të tjera të thata si për të luftuar diabetin por edhe për të ruajtur linjat trupore. Një studim i Universitetit të California i publikuar në revistën “Plos One”, tregon se si frutat e thata janë një ilaç i vërtetë për shëndetin.
Gjithashtu theksohet se ngrënia e frutave të thata redukton me 20% rrezikun e vdekjes prej komplikimeve të ndryshme, si dhe redukton në masën 29% rrezikun e vdekjes nga patologji kardiovaskulare dhe në masën 11% prej tumoreve. Risia e këtij studimi është se përveçse kanë dobi për shëndetin, frutat e thata ndihmojnë edhe në dobësim, kjo pasi u mbajtën nën vëzhgim 803 persona të ndarë në grupe, në varësi të frutave të thata që hanin çdo ditë, ku u vu re se grupi që hante më shumë kishte 37-46% më pak shanse për tu prekur nga obeziteti, në raport me ata persona që hanin një sasi më të paktë të frutave të thata. Po ashtu u spikatën edhe vetitë e tyre për të luftuar diabetin, ku theksohet se shuajnë ndjesinë e urisë dhe bëjnë që të hamë më pak ushqim gjatë vakteve.
