Abdelkader Khalil ka shprehur dyshime në lidhje me aftësinë e paqeruajtësve ndërkombëtarë për të ndalur dhunën dhe për të rivendosur stabilitetin në vendin e shkatërruar nga lufta.
Ai ka akuzuar trupat franceze dhe afrikane për dështimin në mbrojtjen e muslimanëve në kryeqytetin Bangui.
“Si do ta mbrojnë qytetin Bria në qoftë se ata nuk mundën ta mbrojnë Banguin?” ka pyetur Khalil në një intervistë për Agjencinë Anadolu.
Të premten e kaluar, shumë njerëz protestuan kundër pranisë së trupave franceze në Bria, 500 kilometra në veri të Banguit.
Trupat franceze përdorën gaz lotsjellës për të shpërndarë protestuesit.
Ai tha se së paku 2,000 shtëpi të muslimanëve dhe 75 xhami janë shkatërruar në muajt e fundit. Khalil fajësoi organizatat ndërkmbëtare dhe trupat paqeruajtëse se nuk bën asgjë për të parandaluar këtë.
Në mes prillit dhe korrikut të vitit 1994, ekstremistët Hutu të Ruandës kryen një fushatë të organizuar që synonte zhdukjen e pakicës Tutsi.
Human Rights Watch e ka përshkruar gjenocidin e Ruandës, si “ një nga episodet më të tmerrshme të dhunës etnike në historinë e re botërore.”/Mesazhi/
