Dy ditë më parë katër anëtarë të kryesisë së Komunitetit Mysliman, kanë dhënë dorëheqjen, për arsye ende të pazbuluara.
Lajmi është bërë i ditur nga forumi mysliman shqiptar.
Nënkryetari Gazmend Aga, drejtori i Marrëdhënieve me Publikun Agron Hoxha, Drejtori i Arsimit Altin Shima dhe një nga katër nënkryetarët e rinj të zgjedhur para 5 muajsh, emri i të cilit nuk u bë kurrë publik, u tërhoqën njëherësh nga detyrat që mbanin në Komunitetit Mysliman.
“Është e rëndësishme që të ikësh para se të shtypesh mes katër mureve, pa marrë asgjë me vete, i shpronësuar nga gjithçka materiale. Duart në xhepa, fishkëllima në buzë, sytë që shkëlqejnë nga dashuria që pret pas ikjes… Ikja është e rëndësishme, e detyrueshme, një nevojë të cilën nganjëherë nuk e vëmë re. Kur ekziston ikja, padyshim që ka edhe një vend se ku të ikësh.” – shkruan Agron Hoxha, cili ka mbajtur postin e drejtorit të Marrëdhënieve me Publikun në KMSH. /shekulli/
