1. Raporti yt i mirë me Allahun të bën ty të jesh i pranuar dhe të të duan njerëzit.
2. I mençuri shoqërohet dhe u rri pranë -me aq sa ka mundësi- vetëm njerëzve të virtytshëm në dituri, në fe dhe në moral.
3. Njerëzit kanë shumë dëshirë të thirren me emrat që preferojnë.
4. Rruga më e lehtë për të përfituar zemrat e njerëzve është kujtimi i emrave të tyre, pasi kjo i bën ata të ndihen të rëndësishëm.
5. Mbaje mend emrin e bashkëfolësit tënd dhe përsërite atë gjatë bisedës. Kjo gjë e bën atë të të trajtojë me përzemërsi.
6. Bëhu i sinqertë gjatë përshëndetjes me të tjerët.
7. Nëse të afrohet ndonjë person që e njeh, por nuk të kujtohet emri i tij, atëherë së paku jepi të kuptojë se e njeh.
8. Përshëndetja me dorë shton vëllazërinë.
9. Takoji të tjerët me selam dhe përshëndeti duke pasur një buzëqeshje të butë në fytyrë.
10. Ofroju njerëzve mirësi dhe ndihmoji në kryerjen e nevojave të tyre.
11. Respekto objektivat dhe planet e të tjerëve.
12. Gjithmonë bëhu i sinqertë.
13. I mençuri i klasifikon njerëzit në dy kategori dhe para tyre vishet me dy lloje rrobash të ndryshme. Kategoria e parë janë njerëzit e rëndomtë, para të cilëve vishet me tërheqje dhe përmbajtje nga çdo fjalë dhe hap që bën. Kategoria e dytë janë njerëzit e afërt, para të cilëve zhvesh rrobat e rigorozitetit dhe vesh rrobat e miqësisë, të butësisë, të sakrificës dhe të konsultimit me ta.
14. Si i kritikon njerëzit për gabimet në të cilat mund të biesh edhe ti? Njerëzit kanë ndjenja dhe emocione, prandaj mos iu drejto atyre gjithmonë me kritika.
15. Të fillojmë me numërimin e cilësive të mira (para të këqijave) te çdo njeri që takojmë dhe njohim.
16. T`u dhurojmë njerëzve respektin e të sinqertit e jo atë të lajkatarit dhe të servilit.
17. Të jemi fisnikë në lavdërimin dhe respektimin e njerëzve, për shkak se ata do ta kujtojnë këtë edhe pasi ne do ta kemi harruar.
18. Mos u fol njerëzve për gjërat që ti ke dëshirë, por folu atyre për gjërat që ata kanë dëshirë.
19. Shfaq interesim të vërtetë për ata që ke pranë.
20. Buzëqesh, pastaj buzëqesh dhe pastaj buzëqesh.
21. Që të bëhesh orator i shkathët dhe i zoti, bëhu dëgjues i mirë. Inkurajoje bashkëfolësin tënd që të flasë për veten duke i parashtruar pyetjet që ti mendon se gëzohet po t’u përgjigjet.
22. Nëse dëshiron të lësh mbresa të mira në shpirtin e njerëzve që takon, dëgjoji ata me vëmendje dhe mos u përqendro vetëm në atë që ti dëshiron të thuash.
23. Nëse dëshiron të të hapen zemrat e njerëzve, atëherë flit për gjëra që i gëzojnë ata.
24. Bëje personin tjetër të ndihet se është i rëndësishëm (duke e lavdëruar me sinqeritet). Nëse i flet njeriut për veten e tij, ai është në gjendje të të dëgjojë me orë të tëra.
25. Mos i thuaj askujt direkt se e ka gabim.
26. Nëse je në gabim, atëherë pranoje atë nga të tjerët.
27. Kur të kërkosh diçka nga dikush, bëje atë me butësi e qetësi dhe largoju arrogancës dhe hidhërimit.
28. Kur të diskutosh me dikë, mos fillo nga gjërat për të cilat keni mospajtim, por fillo duke theksuar gjërat për të cilat pajtoheni.
29. Mos e ndërprit bashkëfolësin tënd me ndërhyrje, por lëre të ketë hise në bisedë.
30. Mundohu t’i shikosh gjërat nga këndvështrimi i bashkëfolësit tënd.
31. Vlerësoji mendimet dhe idetë e tjetrit.
32. Nëse dëshiron që njerëzit të joshen pas pikëpamjeve të tua, atëherë formuloje mirë mënyrën e interpretimit të tyre.
33. Jepu njerëzve shansin të sfidohen dhe të debatojnë ndershëm, që ata t’i vërtetojnë vetë aftësitë dhe meritat e tyre.
34. Para se t’i drejtosh dikujt ndonjë kritikë, fillo me lavdërimin e tij për ndonjë gjë me të cilën dallohet.
35. Vëri në pah gabimet e të tjerëve në mënyrë indirekte.
36. Flit rreth gabimeve të tua para se të kritikosh të tjerët.
37. Ofro propozime të pranueshme dhe mos nxirr urdhra të qarta, se askush nuk ka dëshirë të marrë urdhra.
38. Mos e nënçmo tjetrin gjatë këshillës, lejo që secili ta ruajë nderin e vet.
39. Më mirë lavdëro një punë të vogël të kryer sesa të kritikosh një punë të vogël të pakryer.
40. Nëse dëshiron që të tjerët të të vijnë pas, mbill në mendjet e tyre kujtesën e mirë për ty.
Alaudin Abazi
