Sipas agjencisë së lajmeve Anadolu, të paktën 11 mbështetës të Mursit kanë humbur jetën në periudhën midis 3 korrikut 2013 dhe 2 maj 2014, për shkak të torturës dhe neglizhencës mjekësore nga ana e autoriteteve të burgut.
Familjet e viktimave kanë fajësuar autoritetet e sigurisë për vdekjen e tyre, duke thënë se atyre u ishte mohuar qëllimisht qasja në kujdesin mjekësor.
Personat e vdekur, familjet e të cilëve janë intervistuar nga Anadolu Agency, janë të listuar më poshtë.
27 shtator 2013 : Safëat Khalil (57 vjeç)
Khalil ishte anëtar udhëheqës i Vëllazërisë Myslimane në Guvernaturën e Dakahliya. Ai vdiq në qelinë e tij në burgun e Përgjithshëm në Mansoura. Ai ishte duke u kuruar nga kanceri. Familja e tij ka akuzuar autoritetet se ia kanë mohuar atij trajtimin e duhur mjekësor, që çoi në vdekjen e tij. Ai u arrestua përderisa ishte duke marrë pjesë në një protestë gushtin e kaluar.
30 shtator 2013 : Abdelëahab Mohamed Abdelëahad (46 vjet)
Abdelëahab ishte anëtar i Vëllazërisë Myslimane në Guvernaturën e Minas. Ai vdiq në burgun ushtarak Minya, dhe ishte prekur nga diabeti dhe kanceri. Familja e tij e akuzoi policinë se ka shkaktuar vdekjen e tij duke i mohuar atij kujdes mjekësor. Ai u arrestua gjatë një protestë kundër grushtit të shtetit në qytetin e tij.
14 tetor 2013: Abdelrahman Mostafa
Mostafa ishte një anëtar drejtues i Vëllazërisë Myslimane në Kajro. Ai vdiq menjëherë pasi u transferua nga burgu Tora në të cilin ai ishte burgosur. Mostafa ishte diagnostikuar me kancer të pankreasit.
30 tetor 2013: Salah Youssef Abulleel (30 vjet)
Abulleel vdiq nga tortura në burgun e Minyas. Ai u arrestua përderisa ishte duke punuar në farmacinë e tij në shtator 2013. Ai ishte anëtar i Vëllazërisë Myslimane në Minya.
6 janar 2014: Sami Mahmoud Aburukba (60 vjet)
Një anëtar udhëheqës i Vëllazërisë Myslimane në Aleksandri. Aburukba vdiq në burgun e Toras për shkak të mungesës së qasjes në trajtimin mjekësor. Ai vuante nga diabeti dhe tensioni i lartë i gjakut. Familja e tij e akuzoi policinë pasi i kishte mohuar atij qasje në shërbime mjekësore. Aburukba u arrestua gjatë masakrës së Rabaas më 14 gusht.
5 shkurt 2014 : Mohamed Alghuzlani (60 vjet)
Alghuzlani vuajtur nga diabeti, tensioni i gjakut dhe hepatitit c. Ai vdiq pasi policia refuzoi ti lejojë atij qasje në shërbime mjekësore, tha familja e tij. Ai u arrestua më 19 shtator 2013 gjatë ndërhyrjes që bëri policia në lagjen Kerdasa në Guvernaturën e Gizas.
4 mars 2014: Mahmoud Abdelhady (59 vjeç)
Abdelhady, një figurë udhëheqëse e Vëllazërisë Myslimane në Ismailia,vdiq në burgun Mostakbal.
Zyrtarët e sigurisë pohuan në atë kohë se ai vdiq nga një vdekje natyrale. Mbetet e paqartë se si ai vdiq. Ai u arrestua gjatë një proteste pro – Mursi në Ismailia.
18 mars 2014 : Rida Abdelfattah Emara (52 vjeç)
Emara vdiq në burgun Damanhour në Beheira. Zyrtarët e sigurisë thanë se ai vdiq nga një rënie e qarkullimit të gjakut kur ai u diagnostikua me sulm hepatik. Ai u arrestua në një protestë pro – Mursi.
5 prill 2014 : Fathy Ramadan (45 vjet)
Ramadan vdiq në burgun e Minyas. Zyrtarët e sigurisë thanë se ai vdiq nga një atak në zemër. Ai u arrestua në një protestë pro – Mursi në Minya.
17 prill 2014 : Sayed Ali Geneidi (63 vjeç)
Geneidi vdiq nga një infeksion i bajameve në një burg të rajonit Fayoum. Ai u arrestua në masakrën e Rabaas.
2 Maj 2014 : Ali Gomaa Hmeida (64 vjeç)
Hmeida vdiq në burgun Borg Al- Arab në Aleksandri. Familja e tij tha se vdekja e tij ishte për shkak të mungesës së kujdesit mjekësor, pasi rojet e burgut i kishin mohuar atij qasje në ilaçe. Ai vuajti nga diabeti, presioni i lartë të gjakut dhe hepatitit c. Ai u arrestua më 28 dhjetor.
