Spiunazhi kibernetik është rritur me 3 herë në një vit. Kina është ende vendi me aktivitetin më të madh të piratëve të internetit. Kjo e dhënë ka dalë nga raporti mbi sigurinë e internetit të Verizon, shoqëria që merret me shërbimin e komunikimit dhe internetit.
Raporti nënvizon se vjedhja e kredencialeve, dmth emri i përdoruesit apo fjalëkalimi, vazhdon të jetë shënjestra më e shpeshtë për të shtënë në dorë informacione personale.
Në raport janë vëzhguar 100 mijë incidente të sigurisë të ndodhura në 10 vjeçarin e fundit. 75% e incidenteve kanë qenë të fokusuara në sektorin financiar.
