Kreu i Vëllazërisë Myslimane të Libisë, Bashir Al- Kabti, ka thënë të martën se ai dhe grupi i tij veprojnë nën ombrellën e sundimit të ligjit. Ai hodhi poshtë akuzat për terror të bëra nga gjenerali në pension i ushtrisë, Khalifa Haftar, dhe tha se Haftar është duke u përpjekur për të përsëritur skenarin egjiptian.
Kabti tha për agjencinë gjermane të lajmeve DPA në një intervistë telefonike se plani i Haftar për të përsëritur atë që ndodhi në Egjipt nuk do të lejohet të kaloj.
“Kam thënë në të kaluarën, kjo nuk mund të ndodhë në Libi, sepse tërë populli libian janë të armatosur. Çdo familje ka një pistoletë apo një mitraloz, etj. Të gjitha llojet e armëve janë në dispozicion në rrugë,” tha Kabti.
Kabti gjithashtu hodhi poshtë deklaratat e Haftar, në të cilën ai ka premtuar për të sjellë para gjyqit zyrtarë të lartë të Kongresit Kombëtar, qeverisë dhe Vëllazërisë Myslimane mbi akuzat për kryerjen e krimeve kundër popullit libian gjatë kohës së tyre në pushtet. “Ne jemi pjesë e popullit libian. Nëse dëshmohet se ndokush, qoftë nga Vëllazërisë Myslimane apo jo, ka kryer akte terrori, dëshmi për këtë duhet të paraqiten dhe këta persona duhet të arrestohen. Ne nuk kemi asnjë problem në lidhje me këtë.”/mesazhi/
Të reja
- Vitin e kaluar inflacioni shënoi kulmin dhe pritet të jetë kundërshtar i yni edhe këtë vit kalendarik
- Bashkësia Islame e Kosovës inicion aksion për t’i ndihmuar të prekurit nga vërshimet
- Pse në Turqi pihet më shumë çaj se kudo tjetër?
- Avokati Asdren Bytyqi: Rritja e çmimit të tatimeve në pronë, është komunizëm
- Pse duhet bojkotuar produktet serbe?
- Kryeministri i Kosovës, Albin Kurti, u prit në takim nga kryetari i Bashkësisë Islame të Kosovës, Myftiu Naim Tërnava
- Bashkësia Islame e Kosovës fillon grumbullimin e ndihmave për zonat që u prekën nga vërshimet
- Abbas: Roli i Türkiye-s në mbështetjen e kauzës palestineze është i rëndësishëm