Komuna e Prishtinës që udhëhiqet nga kryetari, Shpend Ahmeti, radhitet e fundit në listën zyrtare të raportit të Auditorit të Përgjithshëm sa i përket investimeve kapitale.
Kryeqyteti i Kosovës, Prishtina, del të ketë realizuar vetëm 45 për qind të investimeve kapitale në gjithë territorin e komunës.
Ndërsa komuna e Vitisë del të jetë e para në listë në nivel të Kosovës, sa i përket realizimit të investimeve kapitale, me 97 për qind të realizimit të këtyre investimeve.
Komuna ku udhëhiqet nga kryetari Sokol Haliti, është vlerësuar nga institucioni kompetent për të vlerësuar menaxhimin e institucioneve me paranë publike, si komuna që ka pasur pasqyrë reale te punës, njofton PlusTelevizion në Viti.
Raporti i Auditorit të Përgjithshëm, në bazë të investimeve kapitale, pas Vitisë radhit komunën e Gjilanit që e udhëheq Lutfi Haziri, me 94 për qind të realizimit të investimeve./Insajderi
Source: Informacione
