Polici i cili është plagosur rëndë në sulmin e djeshëm në sinagogë në Jerusalemin Perëndimor ka ndërruar jetë, duke e çuar numrin e viktimave të sulmit nga katër në pesë, raporton Anadolu Agency (AA).
“Polici 30-vjeçar Zidan Saif mbrëmë në spital ka ndërruar jetë si pasojë e plagëve të marra në sulmin e sotëm në sinagogë të Jerusalemit”, ka shkruar mbrëmë në Twitter në profilin e tij zëdhënësi i policisë së Izraelit, Micky Rosenfeld.
Dy palestinez të armatosur me thika dhe sëpatë hynë të martën në sinagogë, në lagjen Har Nof, në Jerusalem duke vrarë katër izraelitë dhe plagosur të paktën shtatë të tjerë, kanë raportua forcat e sigurisë izraelite.
Policia e Izraelit në një kohë të shkurtër arriti në vendin e ngjarjes duke vrarë sulmuesit palestinezë, të identifikuar më pas si Ghassan dhe Oudai Abu Jamal, të afërmit nga Jabal al-Mukaber, rrethina e Jerusalemit Lindor.
Sulmi i djeshëm është njëri nga një seri sulmesh që shpërthyen në Jerusalem, pasi autoritetet izraelite, në fund të muajit të kaluar, e mbyllën kompleksin e xhamisë Al-Aksa.