Në njërën prej shkollave të Prishtinës, “Naim Frashëri”, testi i maturës ka filluar me kohë, ku në këtë shkollë testin e realizojnë të gjitha shkollat private.
Sipas, Shyhrete Reqicës, inspektore e arsimit, në orën dhjetë çdo gjë ka qenë e gatshme që të fillojë testi.
“Procesi ka filluar me kohë do të thotë në orën dhjetë gjithçka ka qenë e gatshme sipas planifikimit që është bërë nga Ministria e Arsimit…në këtë shkollë prezent janë të gjitha shkollat private do të thotë shkolla Mileniumi, Zeniti, shkolla amerikane, gjithsej janë pesë shkolla”, ka thënë ajo.
Ndryshe, testit të maturës janë duke iu nënshtruar 46 mijë maturantë në të gjithë vendin, ndërsa rezultatet e testit pritet të shpallen më 7 korrik .
