Karburanti që vjen nga rajonet siriane që kontrollohen nga organizata terroriste ISIL është dyfish dhe trefish më i lirë nga ai nga rafineritë e kontrolluara nga presidenti sirian Bashar al-Assad, gjë e cila ka çuar në kërkesën e lartë për karburantin e ISIS-it në provincat Hama dhe Idlib, raporton Anadolu Agency (AA).
Tregtarët lokal të naftës pohojnë se distributorët rregullisht u dorëzojnë në cisternë karburant të lirë nga rafineritë e ISIS-it, ndërsa ata naftën ua shesin banorëve lokale. Shitësi i karburantit në Al-Mudayyak në veri të provincës Hama, Mahmoud Hamvi, pohon se nuk ka probleme me blerjen e karburantit nga rafineritë e ISIS në Rakkah dhe Deiru’z Zor dhe se rrugët për transportin e mallrave janë të sigurta.
“Ka një dallim të madh në çmimin e blerjes së karburantit nga ISIS dhe rafineritë e regjimit. Nafta është dy herë më e lirë, ndërsa benzinë, madje, edhe tri herë”, tha Hamvi.
Një nga konsumatorët, Izzu al-Juma ka thënë për AA tha se e blen naftën nga rafineritë e ISIL-it sepse është shumë më e lirë, edhe pse pohon se kualiteti nuk është në anën e ISIL-it sepse nafta e tyre më shpesh shkakton prishje në automjetet.
