Close Menu
    Facebook X (Twitter) Instagram
    • Lajme
      • Kosovë
      • Rajon
      • Lindja e Mesme
      • Botë
      • Politikë
      • Kronikë e Zezë
    • OP-ED
      • Analiza
      • Ese
      • Opinione
      • Kolumna
    • SCI-TECH
      • Teknologji
      • Shkencë
    • Biznes
      • Investimi
    • Evente
    • Histori
    • Jetesë
      • Shëndeti
      • Këshilla
      • Ushqyerja
    • Sociale
    • Besimi
      • Edukim
      • Lutje (dua)
      • Qendrime
      • Studime në besim
      • Të ndryshme
      • Tema
    • SPORT
    Facebook X (Twitter) Instagram Pinterest
    Dija Online
    • Lajme
    • Evente
    • OP-ED
    • Të rekomanduara
    Dija Online
    Ju jeni në:Home»Lajme»Serbia investon në veri pa lejen e Kosovës
    Lajme

    Serbia investon në veri pa lejen e Kosovës

    Dija OnlineBy Dija Online18-07-201604 Mins Read
    Share Facebook Twitter Pinterest LinkedIn Tumblr Email
    Share
    Facebook Twitter LinkedIn Pinterest Email

    Nëpërmjet investimeve për realizimin e një varg projektesh në veri të Kosovës, madje edhe të atyre infrastrukturore, Qeveria e Serbisë po bën përpjekje për përmirësimin e pozitës së popullit serb që jeton në veri të Kosovës, vlerësojnë drejtuesit e të ashtuquajturave “organe të përkohshme” në komunat e veriut të Kosovës.

    Organet e tilla, nga autoritetet e Kosovës vazhdojnë të cilësohen si struktura paralele të Serbisë në Kosovë.

    Por, Aleksandar Spiriq, kryetar i të ashtuquajturit “Organ i përkohshëm i komunës së Mitrovicës”, duke folur për Radion Evropa e Lirë, thotë se projektet, për të cilat po investon Serbia në veri të Kosovës, kanë për qëllim zgjidhjen e problemeve, me të cilat banorët e kësaj hapësire po përballen tash e sa vjet.

    Ndërtimi i ujësjellësit rajonal për tri komuna në veri të Kosovës, për të cilin Serbia ka investuar 10 milionë euro, sipas Spiriqit, do ta zgjidhë problemin me furnizimin me ujë.

    Gjithashtu, sipas tij, do të bëhet zgjerimi i rrugës “Vlade Cvetkoviq” që çon drejt vendbanimit “Zveçani i vogël”, do të ndërtohet një çerdhe për fëmijë në “Lagjen e Boshnjakëve”, një depoje për ruajtjen e pemëve dhe perimeve, si dhe do të hapet “Shtëpia e sigurt” në Mitrovicë të veriut, për strehimin e femrave që janë viktima të dhunës.

    Ai thotë se Qeveria e Serbisë, përmes të ashtuquajturave “organe të përkohshme” po financon edhe ndërtimin e njësive të banimit për çiftet e reja të martuara dhe rastet e rrezikuara sociale, si dhe një numër manifestimesh kulturore.

    Megjithatë, Spiriq, thotë se nuk i kanë lejet për ndërtim nga autoritetet qendrore të Kosovës, për shkak se, sipas tij, lejet e tilla nuk ju nevojiten, marrë parasysh që, siç thotë ai,vetëqeverisja lokale punon sipas rregullave të procedurës dhe statutit.

    “Kompetencat tona janë ato që na e mundësojnë që të gjitha ato projekte t’i realizojmë pa probleme. Këtu është Qeveria e Republikës së Serbisë dhe institucionet dhe institutet kompetente që punojnë sipas ligjeve të Qeverisë së Serbisë. Kjo, duke pasur parasysh që Drejtoria për pronësi e Serbisë është kryesore, kur bëhet fjalë për marrëdhëniet juridike pronësore, e sidomos kur bëhet fjalë për ndërtime”, thekson Spiriq.

    Kryetari i të ashtuquajturit “organ i përkohshëm” në Zveçan, Ivan Todosijeviq, duke folur për Radion Evropa e Lirë, thekson se aktualisht, në këtë komunë, Qeveria e Serbisë po financon dhe realizon ndërtimin e sanatoriumit “Rajska banja”, vendbanimin e quajtur “Lugina e diellit” dhe ujësjellësin rajonal.

    “Gjithçka që kemi planifikuar dhe bërë, nuk do të ishin të mundura pa shtetin tonë Serbinë, pa Qeverinë e Republikës së Serbisë, pa Zyrën për Kosovën dhe pa Dioqezën e Rashkës dhe Prizrenit, të cilët i kanë identifikuar këto projekte dhe i kanë vënë në radhë si projekte me rëndësi të madhe nacionale. Po ndërtohet edhe ‘Lugina e diellit’, një vendbanim modern për të kthyerit, që do të lidhet me infrastrukturë të plotë dhe me përmbajtjet përcjellëse”, shprehet Todosijeviq.

    Ai shton se në këtë vendbanim do të akomodohen rreth 300 familje të kthyera dhe Komuna e Zveçanit do t’i ketë rreth ose 1 mijë e 500 banorë të rinj.

    Secila familje e kthyer, sipas tij, do ta fitojë edhe një vend pune. Ndërtimi i “Luginës së diellit” do të përfundojë në vitin 2017, thotë Todosijeviq, i cili shton se ndërkohë është duke u bërë studimi i realizimit të projektit për fabrikën e baterive, që do të vendoset në hapësirën e “Trepçës”, të cilën do ta financojë Qeveria e Serbisë.

    Shefja e administratës komunale në Komunën e Mitrovicës së veriut, Adrijana Hoxhiq, thotë për Radion Evropa e Lirë se suksesi i punës së vetëqeverisjes lokale matet me aftësinë e udhëheqjes së saj, në tërheqjen e mjeteve shtesë për investime në komuna, e sidomos kur bëhet fjalë për investime kapitale.

    Lejet për zbatimin e atyre projekteve, sipas saj, janë kompetencë ekskluzive e vetëqeverisjeve lokale.

    “Në qoftë se ne do ta kishim ndonjë investim nga ndonjë ambasadë ose edhe nga Republika e Serbisë, obligim yni si komunë e Mitrovicës së veriut, është që brenda mundësive tona ta mundësojmë realizimin e projekteve të tilla në terren. Ndërkaq, pajtimi dhe leja shkojnë nga komuna e Mitrovicës së veriut. Kjo kompetencë është e institucioneve lokale dhe jo e pushtetit qendror, në këtë rast Prishtinës”, deklaron Hoxhiq.

    Në anën tjetër, Ministria e Ambientit dhe Planifikimit Hapësinor e Qeverisë së Kosovës pati deklaruar se investimet e Serbisë në një pjesë të territorit të Kosovës, kur bëhet fjalë për ndërtimin e vendbanimit “Lugina e diellit” në Zveçan, pa marrëveshje ose pa njoftim paraprak, paraqet përzierje të Serbisë në çështjet e brendshme të Kosovës.

    Sipas kësaj ministrie, projektet e tilla të mëdha, duhet të kalojnë nëpërmjet institucioneve qendrore, sepse për çfarëdo ndërtimi brenda territorit të Kosovës, vetë komunat duhet të marrin lejet përkatëse.


    Source: Informacione

    featured
    Share. Facebook Twitter Pinterest LinkedIn Tumblr Email
    Previous ArticleBerat Buzhala mund të dënohet deri 5 vjet burg
    Next Article Nënkryetari i Stambollit qëllohet në kokë
    Dija Online

    Related Posts

    Kina shënjestron me laser një aeroplan ushtarak gjerman – Gjermania reagon ashpër: Rrezikim i papranueshëm i personelit

    08-07-2025

    Një stuhi e fortë godet Splitin – përmbytje, dëme materiale dhe pemë të rrëzuara nëpër rrugë

    08-07-2025

    Maqedonci pret homologun zviceran – në fokus diaspora dhe bashkëpunimi ushtarak Kosovë-Zvicër

    08-07-2025
    Add A Comment
    Leave A Reply Cancel Reply

    You must be logged in to post a comment.

    • Të Fundit
    • Të popullarizuara

    Çfarë Ndodh me Trupin Tuaj kur Pini Ujë Kokosi?

    Lirim Mehmetaj: Ta përkrahësh Benjamin Netanyahu është njëjtë si ta përkrahësh Slobodan Millosheviçin

    13 Ushqime që Të Japin Energji Natyrale

    Kina shënjestron me laser një aeroplan ushtarak gjerman – Gjermania reagon ashpër: Rrezikim i papranueshëm i personelit

    Çmenduritë e Qeverisë së Erdoganit

    Çfarë e bën kamatën kaq mëkat të madh?

    SISTEMI BANKAR ISLAM, FITIMPRURËS PËR TË GJITHË

    A lejohet eksperimenti me kafshë, sikurse minjtë?

    OP-ED

    Lirim Mehmetaj: Ta përkrahësh Benjamin Netanyahu është njëjtë si ta përkrahësh Slobodan Millosheviçin

    NATO po i shmanget një bisede të vështirë

    ChatGPT po ua helmon trurin…

    • Besimi

    Islamofobia e sponsorizuar nga shteti në Francë nxit dhunë ndaj muslimanëve

    Përfundon Haxhi: grupi i fundit i haxhinjve të Kosovës kthehet në atdhe

    Historia dhe kontribuimet e muslimaneve te Azis lindore ne islam

    Si të bëhemi lexues të rregullt të librave?

    Reklamoni në Dija Online
    NËSE JENI SOCIAL, NA NDIQNI
    • Facebook
    • YouTube
    • TikTok
    • WhatsApp
    • Twitter
    • Instagram
    Të zgjedhura nga redaksia

    Lirim Mehmetaj: Ta përkrahësh Benjamin Netanyahu është njëjtë si ta përkrahësh Slobodan Millosheviçin

    08-07-20252 Mins Read

    Trajnim online falas për prindërit: Si ta mbrojmë fëmijën në botën digjitale?

    27-06-20252 Mins Read

    NATO po i shmanget një bisede të vështirë

    26-06-20258 Mins Read
    Reklamoni në Dija Online
    Më të popullarizuarat

    Forexi “islam” dhe vendimi i Ligjit islam mbi të

    5 Mins Read

    Shitblerja online e ndaluar apo lejuar!? 

    2 Mins Read

    Kujdes me hixhamën (terapia e kupave); llojet, kushtet e hixhames dhe ndalesat, udhëzimet e nevojshme, dobitë e hixhames

    12 Mins Read
    Të zgjedhura nga redaksia

    Lirim Mehmetaj: Ta përkrahësh Benjamin Netanyahu është njëjtë si ta përkrahësh Slobodan Millosheviçin

    Trajnim online falas për prindërit: Si ta mbrojmë fëmijën në botën digjitale?

    NATO po i shmanget një bisede të vështirë

    Abonohuni

    Merrni lajmet, analizat, temat sociale, politike dhe ekonomike më të fundit nga DijaOnline

    © 2025 Dijaonline. Designed by Ars of Arts.
    • Ballina
    • Politika e privatësisë
    • Rreth nesh
    • Kontakti

    Type above and press Enter to search. Press Esc to cancel.