Roja bregdetare turke në gjirin e Mersinit në detin Mesdhe, në çastet e fundit ka shpëtuar 131 emigrantë ilegalë nga një anije peshkimi që ishte duke u fundosur, raporton Anadolu Agency (AA).
Zyrtarët vendor kanë njoftuar se roja bregdetare gjatë ditës së djeshme ka marrë thirrje për ndihmë të njerëzve që ndodheshin në anijen dhe se në vend të ngjarjes dërguan anijen dhe varkën e shpejtë të shpëtimit. Pas mbërritjes ata gjetën njerëzit duke hedhur kova me ujë i cili gjithnjë e më shumë depërtonte në anijen e peshkimit 16-metra të gjatë.
Ekipi i shpëtimit me varkën ka arritur të evakuojë 98 meshkuj, 12 femra dhe 21 fëmijë në portën në Mersin në jug të Turqisë, ku morën ndihmë urgjente mjekësore dhe humanitare. Një grua shtatzënë dhe një person që ka pasur operacion të zemrës janë të vendosur në spitalin e afërt. Bëhet fjalë për emigrantët ilegal, nëntë prej të cilëve janë nga Palestina, 15 nga Iraku dhe 107 nga Siria.
