Presidenti rus Vladimir Putin tha se rimëkëmbja e ekonomisë ruse mund të zgjasë gjatë dy viteve të ardhshme, raporton Anadolu Agency (AA).
Në paraqitjen e tij të rregullt të sesionit vjetor të “Pyetje dhe Përgjigje”, të mbajtur në Moskë, Putin iu referua krizës së fundit ekonomike që ka përfshirë Rusinë. Ai tha se rimëkëmbja mund të marrë dy ose më pak vjet dhe i bëri thirrje Bankës Qendrore të Rusisë dhe autoriteteve përgjegjëse që të reagojnë në përputhje me situatën aktuale.
Atmosfera gjatë sesionit u tensionua kur presidentit iu drejtuar një gazetar ukrainas. Ai pyeti Putinin se sa trupa ruse dhe automjete janë dërguar në Ukrainë dhe sa Rus u vranë në konfliktin mes forcave qeveritare Ukrainase dhe separatistëve pro-ruse. Putin u përgjigj se ata janë vullnetarë, jo ushtarë, sepse ata nuk janë paguar për atë që bëjnë ata.
Putin gjithashtu ka drejtuar një sërë akuzash kundër qeverisë në Kiev dhe e akuzoi atë për zvarritje të nënshkrimit të protokollit të shtatorit në Minsk. Ai shtoi se Rusia duhet sërish të rivendos bashkëpunim ekonomik me Ukrainën jug-lindore. Konstatoi se kthimi i Rusisë nga lindja, Kina dhe India, nuk ka të bëjë asgjë me politikën, por është pasojë e situatës ekonomike globale.
