Zëdhënësi i Organizatës Botërore të Shëndetësisë (OBSH), Tarik Jashareviç ka deklaruar se banorët e vendeve të Afrikës Perëndimore, të cilat janë goditur më së shumti me virusin Ebola, madje edhe për shkak të malaries apo ndonjë tjetër problemi shëndetësor, nuk duan të shkojnë në spital për shkak të frikës nga infektimi i mundshëm me Ebola, raporton Anadolu Agency (AA).
Jashareviç ka deklaruar për AA se epidemia e virusit vdekjeprurës të Ebolës ka ndikuar negativisht në sistemet shëndetësore në Guine, Liberi, Sierra Leone dhe se janë mbyllur numri i madh i spitaleve dhe qendrave të shëndetit në atë pjesë të botës.
Duke theksuar se fëmijët janë kategori më e rrezikuar e banoreve, Jasharevip pretendon se ndjeshëm është zvogëluar praktika e këshillimit shëndetësor të popullsisë së këtyre vendeve të varfra.
“Fëmijët e këtyre vendeve i kanë humbur prindërit e tyre për shkak të Ebolas. Problemi është se kush në të ardhmen do të kujdeset për këta fëmijë dhe si ata do të vazhdojnë jetën e tyre. Një problem tjetër është se shkollat janë të mbyllura. Të paktën pesë milionë fëmijë nuk shkojnë në shkollë për shkak të epidemisë. Ndërprerja e arsimit do të ketë ndikim negativ në zhvillimin e fëmijëve”, paralajmëron Jashareviç.
Në tre vendet e Afrikës Perëndimore deri tani me virusin e Ebolas janë infektuar rreth 20.000 njerëz, ndërsa 7.699 pacientë kanë vdekur. Në Sierra Leone kanë vdekur 2.655, 3.384 në Liberia, ndërsa në Guinea 1.645 njerëz.
Virusi i Ebolës është përhapur edhe më gjerë duke marrë kështu jetën e 15 personave jashtë kufijve të vendeve në fjalë. Në Mali nga virusi i Ebolas kanë vdekur gjashtë persona, në Nigeri tetë dhe në SHBA një person. Virusi është diagnostikuar edhe te dy persona në Senegl dhe në Spanjë.
– Epidemia e virusit të Ebolas rrezikon luftën kundër malaries –
Zyrtarët e Organizatës Botërore të Shëndetësisë paralajmërojnë se epidemia e virusit Ebola dukshëm ka rrezikuar luftën kundër malaries, veçanërisht në rajonin e Afrikës Perëndimore ku janë mbyllur numri i madh i spitaleve. Ekspertët paralajmërojnë se vonesa e shërimit do të mund të shkaktojë tragjeditë e shkallës më të lartë se ajo e epidemisë së Ebolas.
