Një ndërtesë e lartë qeveritare në Kuvajt City është goditur nga një sulm me dron në orët e para të së dielës, duke shkaktuar zjarr dhe dëme materiale në objekt.
Pamjet nga vendngjarja tregojnë flakë të mëdha që përfshinë ndërtesën shumëkatëshe përpara se shërbimet e emergjencës të arrinin ta vinin situatën nën kontroll.
Sipas Institucionit Publik për Sigurimet Shoqërore të Kuvajtit, ambientet kryesore të institucionit ishin shënjestruar gjatë sulmit, duke rezultuar në dëmtime materiale në ndërtesë.
Ngjarja ndodh në një kohë kur tensionet në Lindjen e Mesme janë rritur ndjeshëm pas sulmeve të fundit të kryera nga Shtetet e Bashkuara të Amerikës dhe Izraelit ndaj objektivave në Iran.
Shumë vende të rajonit kanë rritur nivelin e sigurisë nga frika e një hakmarrjeje të mundshme nga Irani.
Ndërkohë, gjatë së njëjtës ditë kanë vazhduar edhe sulmet ajrore mbi Teheran, ku Forcat e Mbrojtjes së Izraelit njoftuan se kanë goditur rafineri të naftës në kryeqytetin iranian.
