Drejtoria e Inspeksionit e Komunës së Gjilanit në bashkëpunim me Njësitin Kundër Krimeve Ekonomike të Policisë së Kosovës, Doganës së Kosovës dhe Administratës Tatimore të Kosovës, kanë ndërmarrë mbrëmë një aksion për të konstatuar gjendjen në të cilën operojnë kazinot dhe bastoret në qytet.
Sipas një njoftimi të Komunës së Gjilanit, pas vizitave të paparalajmëruara, Drejtoria e Inspeksionit në bashkëpunimet me institucionet tjera ka konstatuar se 52 lokale të kazinove dhe bastoreve nuk janë në përputhshmëri me ligjet në fuqi në pikat ku operojnë, meqë rast i ka mbyllur ato.
Drejtori i Inspeksionit, Selver Xhelili ka thënë se këto lokale do të jenë në vëzhgim të vazhdueshëm nga inspektorët e komunës dhe policia dhe se çdo hapje e tyre pa i plotësuar kushtet ligjore përbënë vepër penale.
“Drejtoria e Inspeksionit i ka mbyllur këto pika dhe çdo hapje e tyre pa i prmbush kushtet, do të ndiqen penalisht. Në bashkëpunim me policinë, do të ketë kontrolla të vazhdueshme dhe do të monitorohen edhe në orët e mbrëmjes këto lokale. Komuna do t’i shqyrtoj të gjitha mundësitë ku lejohet të jepet pëlqimi, por do të jemi të pakompromis dhe nuk do të tolerojmë dhe nuk do të jepen pëlqime për këto lokale afër shkollave dhe institucioneve”, ka thënë Xhelili. /Telegrafi/
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim