Komuna e Prishtinës ka bërë të ditur se nga sonte nis fazën e tretë të dezinsektimit hapësinor. Dezinsektimi do të bëhet çdo ditë duke filluar nga ora 19:30 deri në orën 24:00.
Përgjatë kësaj kohe, komuna ka kërkuar bashkëpunim me qytetarët, të cilët i ka lutur që t’i mbajnë dritaret e mbyllura, në mënyrë që të mos futen insektet brenda, dhe gjithashtu t’u shmangen sa më shumë daljeve nëpër hapësirat ku është duke u bërë dezinsektimi, së paku për një orë.
Në këtë drejtim, komuna apelon te shoqatat e bletarëve dhe bletarët e Komunës së Prishtinës, për kujdes të shtuar gjatë kësaj periudhe./Insajderi
Source: Informacione
