Pretendenti për kryeministër të ardhshëm të Kosovës, Ramush Haradinaj dhe kryetari i Nismës për Kosovë, Fatmir Limaj, e kanë shfrytëzuar edhe vikendin për t’u konsultuar rreth krijimit të qeverisë së re.
Por konsultat nuk i kanë bërë as në AAK e as në zyrat e Nismës, por në njërën nga kafiteritë e Prishtinës.
Aty nuk ka qenë i pranishëm edhe kryetari i Lidhjes Demokratike të Kosovës, Isa Mustafa.
Një nga anëtarët e partive në koalicion ka konfirmuar se aktualisht janë duke u analizuar të gjitha format e veprimit që duhet ndjekur deri në krijimin e qeverisë së re.
“Thënë të drejtën, deri tash nuk është folur shumë për program qeveritar, por është folur më tepër për hapat që duhet ndjekur deri sa të arrihet objektivi për krijimin e qeverisë së re”, ka thënë ai, pa dashur t’i përmendet emri.
Sipas tij, programi do të unifikohet tek pasi presidentja ta mandatojë Haradinajn për krijim të qeverisë.
“Është vlerësuar se nuk duhet nxituar të bëhet programi, pa u siguruar, qoftë edhe nga Gjykata Kushtetuese, se koalicioni LDK-AAK-Nisma ka të drejtë ta formojë qeverinë, ani pse PDK-ja i ka fituar zgjedhjet”, ka thënë i njëjti. /Tribuna/
