Nga e premtja e ardhshme nuk do të lejohet bllokimi i rrugës përskaj mureve të xhamisë në Kaçanik nga persona që do të duan të vazhdojnë të falen aty.
Kështu është thënë në mbledhjen e Këshillit Komunal të Sigurisë në Bashkësi (KKSB) të Kaçanikut, të hënën.
“Deri tashti nuk kemi intervenuar, por praktika e bllokimit të rrugës nga besimtarë që falen aty të premteve duhet të ndërpritet. Për këtë çështje kam biseduar edhe me imamin e xhamisë të cilit i kam thënë se nga e premtja e ardhshme rruga, tashmë e destinuar për qarkullim njëkahesh të automjeteve, nuk duhet të bllokohet”, ka theksuar togeri Jaser Jaha, u.d. i komandantit të Stacionit Policor në Kaçanik.
Në dy vjetët e fundit rruga e sipërpërmendur është bllokuar të premteve nga besimtarë myslimanë që e kanë falur namazin e drekës aty, ndërsa ka munguar reagimi i policisë dhe i Komunës.
Vendimi i policisë për të mos lejuar më bllokimin e rrugës është mbështetur nga folësit në mbledhje, përfshirë edhe nënkryetarin e Komunës, Remzi Elezi. “Xhematit duhet t’i sqarohet se bllokimi i rrugës është veprim kundërligjor, përveç të tjerash”, ka theksuar Elezi,
