Vëllezërit Geci bëjnë të ditur se sipas të gjitha gjasave Gani Geci e ka lëshuar Kosovën për arsye sigurie.
Vëllezërit Geci bëjnë të ditur se Ganiu është i gatshëm të lajmërohet në organet e drejtësisë në Kosovë, por pasi të qetësohet situata dhe pasi të kemi siguri për vënien e drejtësisë në vend.
“Ne dhe Ganiu nuk kemi siguri as në burgjet e Kosovës. Ne kemi drojën se atij mund t’i montohet ndonjë atentat edhe në burgje të Kosovës, sepse jemi dëshmitarë se gjendja në burgjet e Kosovës është tepër e pa sigurt. Por ne premtojmë se nërrethanat normale Ganiu do të kthehet në Kosovë dhe do të përgjigjet për veprimet e tij” thotë për Bota press një prej vëllezërve Geci.
Intervistohet vëllau i Gani Gecit
Policia e Kosovës pas vrasjes së Ruzhdi Shaqirit nga ish-deputeti i LDD-së, Gani Geci, ka intervistuar njërin nga vëllezërit e tij, duke e mbajtur në ndalim policor. Ndërkohë, Gani Geci po vazhdon të kërkohet nga Policia e Kosovës.
Ndërsa, rasti i kësaj vrasje është duke u hetuar nga Policia e Kosovës, ka konfirmuar për KosovaPress, zëdhënësi i PK-së për rajonin e Mitrovicës, Avni Zaiti.
Megjithatë, Zaiti tha se nuk ka ende ndonjë të re rreth këtij rasti, duke shtuar se njëri nga vëllezërit e Gani Gecit, është intervistuar pas vrasjes dhe është në ndalim policor.
“Jo, nuk ka risi, në fakt ai fillimisht është intervistuar më vonë pas ngjarjes që ka ndodhur akti i vrasjes dhe që ai është në ndalim policor”, tha Zaiti për KosovaPress.
Zaiti tha se procesi është duke u hetuar dhe se i gjithë rasti në proces hetimor.
Gani Geci ende nuk është dorëzuar në Polici, edhe pse tashmë është konfirmuar se ai e ka vrarë Ruzhdi Shaqirin, pasi kishin një konflikt të hapur mes vete.
