“Turqia po fiton luftën kundër “shtetit paralel”” në gjitha fronte, ka deklaruar presidenti i Republikës së Turqisë, Recep Tayyip Erdogan, raporton Anadolu Agency (AA).
“Vazhdojmë të normalizojmë punën e institucioneve shtetërore me eliminimin e elementeve të shtetit paralel”, ka thënë Erdogan në ceremoninë e ndarjes së çmimeve për shkencëtarët turq në Ankara. “Ata që kanë përdorur TUBITAK, Këshillin Kërkimor Shkencor dhe Teknologjik të Turqisë, për të përgjuar zyrtarët e lartë në Turqi janë të turpëruar”, ka thënë presidenti Erdogan.
TUBITAK është i lidhur me përgjimin e zyrtarëve turk, në mesin e të cilëve ishte edhe Erdogan në kohën kur mbante detyrën e kryeministrit. Në dhjetor 2013 kanë rrjedhur informacione se janë përgjuar bijtë e tre ish ministrave dhe disa personalitete të njohura. Qeveria ka dënuar këtë akt duke e përshkruar si një “intrigë e ndyrë e shtetit paralel”.
“Shteti paralel” sjell së bashku një grup zyrtarësh të punësuar në institucionet shtetërore, gjykatë dhe polici. Që atëherë janë arrestuar qindra punonjës të policisë të cilët, ndër të tjera, lidhen me përgjimin e zyrtarëve të lartë, zbulimin e informacioneve konfidenciale, cenimit të privatësisë së njerëzve dhe falsifikim të dokumenteve.
