Forcat e sigurisë egjiptiane sot kanë përdorur gaz lotsjellës për të shpërndarë studentët që ishin mbledhur në disa kampuse universitare, për të protestuar kundër gjykimit të djeshëm me të cilin ish presidenti Hosni Mubarak u lirua nga aktgjykimi për vdekjen e protestuesve gjatë revolucionit të 2011, raporton Anadolu Agency (AA).
Policia hodhi gaz lotsjellës në kampusin e Universitetit Al-Azhar në Kajro dhe MinYe në veri të Egjiptit. Sipas burimeve të afërta me studentët, u arrestuan shtatë protestues.
Demonstrata të ngjashme gjatë ditës kishin shpërthyer në universitetet e Aleksandrisë, Beni Sueifu, Fajoum, Suez, Mansoura, Zagazig dhe Menouf.
Të shtunën, policia egjiptiane përdori gaz lotsjellës për të shpërndarë qindra njerëz që u mblodhën në Sheshin Tahrir për të protestuar kundër vendimit në fjalë.
Siç është konfirmuar nga Ministria e Shëndetësisë, gjatë protestave u vranë dy persona dhe u plagosën nëntë të tjerët.
Ditën e djeshme gjykata liroi Mubarakun, ish ministrin e brendshëm Habib el-Adliyya dhe gjashtë ish-zyrtarë të sigurisë nga akuzat për përfshirje në vrasjen e demonstruesve të cilët morën pjesë në revolucionin egjiptian të 2011.
Gjykata liroi Mubarak edhe nga akuza e korrupsionit në lidhje me eksportin e gazit natyror në Izrael.
Aktgjykimi mund të apelohet.
Gjatë revolucionit që i dha fund sundimit tridhjetë vjeçar të Mubarak, në protesta u vranë 239 dhe u plagosën 1588 persona.
Ishin akuzuar për urdhërimin e vrasjes së protestuesve, në fund të 2012, Mubarak dhe Al-Adly u dënuan me 25 vjet burg.
Më pas avokatët e ish-presidentit apeluan vendimin, gjykata urdhëroi rihapjen e çështjes.
