40 persona u arrestuan gjoja nën dyshimin për “terrorizëm”, e 17 të tjerë ndodhen në arrati, kjo ndodhi pikërisht në ditën kur dëshmitari “A” tha se kryeministri Thaçi ka qenë pjesë e torturave dhe e krimeve të bëra në Burgun e Likocit… Kjo ndodhi në një seri dramatike të mirëorganizuar të ngjarjeve me të cilat synohej zhvendosja e fokusit nga problemet kryesore të kësaj shoqërie dhe të fitohej mbështetja e publikut për fushatën denigruese ndaj besimtarëve musliman. Mediat ishin argati kryesor i Thaçit, kjo orkestër ngjarjesh filloi me Raportin e SHBA-ve për liritë fetare, u pasua me deklaratën e ambasadores Jacobson për të miratuar sa më parë ligjin anti terror, pastaj Lavdrimi si me porosi bëri skenat të cilat mediat tona i përdoren si brumë për ta dramatizuar situatën (ai vetëm këtë gjë e bënë, si duket me porosi), u pasua kjo me deklaratën e ish ministrit të punëve të brendshme Zenun Pajaziti, se Kosova nuk ka rehati veçse me PDK-në në pushtet dhe më pas, ja dhe aksioni spektakolar, i cili u “urdhërua” nga kryeministri dhe jo nga gjykatësi, gjë që dëshmon se ky shtet është despotat i Hashim Thaçit.
Të arrestuarit u sollën para Gjykatës, por ende nuk u murr vendim për kërkesën e Prokurorisë për paraburgim të të arrestuarve.
Por, çka pretendon Prokuroria që ka si provë në dorë kundër të 57 të dyshuarve?
Express ka siguruar pretendimet fillestare të Prokurorisë së Shtetit për këtë grup, dokument i cili i është vënë në dispozicion edhe Gjykatës.
Aty, prokuroria prezanton datat për disa nga të dyshuarit shkuan dhe u kthyen nga konflikti në Siri.
Për të gjithë pothuajse prokuroria ka vetëm dyshime dhe për asnjërin akuzë të konkretizuar apo argumente të vërtetuara.
Tek shumica dërrmuese aktakauza është e njejtë dha ka përafërsisht këtë përmbajtje.
Ekziston dyshimi se u jane bashkangjitur për te luftuar grupit te ashtuquajtur ISIS dhe gjoja përmes mjeteve elektronike kanë bërë mesazhe duke thirrur publikun për ta nxitur me qëllim që t’i shtyejnë për të shkuar në Siri.
Me këtë akuzohen se kanë kryer veprën penale: Organizimi dhe pjesëmarrja në grupe terroriste nga neni 143 par.2 të KPK, nxitja e urrejtjes përcarëse ose mosdurimi kombëtar, racor, fetar, apo etnik nga neni 147 i KPK-së, si dhe veprën penale rekrutimi për terrorizëm nga neni 139 i KPK.
Ajo që është kontraverse, është se shumica akuzohen që kanë qenë në Siri për t’iu bashkuar organizatës ISIS, në një periudhë kur kjo organizatë nuk ishte fare e themeluar.
