Amnesty International proteston në Berlin kundër vizitës së planifikuar të kancelarit Merz në Izrael
Anëtarët e grupit mbanin pankarta ku shkruhej “Armët nuk janë dhurata mirëpritëse për kriminelët e luftës” dhe “Asnjë armë për krime lufte në Gaza”
Grupi i të drejtave të njeriut Amnesty International ka organizuar protestë në Berlin, duke kundërshtuar vizitën e planifikuar të kancelarit gjerman, Friedrich Merz, në Izrael për fundjavë, raporton Anadolu.
Ata u mblodhën në “Pariser Platz” me pankarta dhe një model tanku për të denoncuar furnizimet me armë të Gjermanisë dhe për të bërë thirrje për respektimin e ligjit ndërkombëtar.
Demonstruesit kërkuan nga kancelari gjerman të rishqyrtojë kohën dhe implikimet e udhëtimit.
Anëtarët e grupit vendosën kopjen e një tanku përpara portës historike të Brandenburgut dhe mbanin pankarta ku shkruhej “Armët nuk janë dhurata mirëpritëse për kriminelët e luftës” dhe “Asnjë armë për krime lufte në Gaza”.
Protestuesit brohoritën parulla të tilla si “Respektoni ligjin ndërkombëtar”, “Ndaloni gjenocidin” dhe “Asnjë armë për krime lufte”.
Merz është planifikuar të vizitojë Izraelin gjatë fundjavës dhe të takohet me kryeministrin Benjamin Netanyahu më 7 dhjetor.
