Gazetarët në mbarë botën sot shprehin solidaritetin e tyre me gazetarë të burgosur. Shtëpitë televizive, radiot dhe mediat e shkruara në mbarë botën me ndërprerje të shkurtër të transmetimeve të rregullta ose në ndonjë mënyrë tjetër, do të shprehin solidaritetin e tyre me gazetarët e burgosur.
Gazetarët Peter Greste dhe Mohammed Fahmy janë dënuar me shtatë vite burgim, ndërsa gazetari Baher Muhamed u dënua me dhjetë vjet burg. Ata janë akuzuar për ndihmë ndaj organizatave terroriste, dhe përhapjen e lajmeve, për shtrembërim të lajmeve, në rastin që ka shkaktuar reagimin dhe dënime të ndryshme.
Të enjten më 1 janar pritet që Gjykata egjiptiane e Apelit të konsiderojë apelin e paraqitur nga tre gazetarët. Në këtë proces do të konsiderohet gjykimi i shkallës së parë, për të cilin supozohet se është bërë me shumë lëshime, në të cilën bazohet ankesa.
Nga Al Jazeera kanë shprehur shpresë se gazetarët do të lirohen. Ankesat për lirimin e gazetarëve të Al Jazeeras i ka paraqitur edhe Shtëpia e Bardhë, Zyra britanike e Jashtme, Bashkimi Evropian, Qeveria e Australisë, më shumë se 150 organizata për të drejtat e njeriut, përfshirë Amnesty International, si dhe shoqatat globale dhe kombëtare të gazetarëve dhe organizatat që merren me të drejtat e lirisë së shprehjes dhe mediat
Fushata globale për lirimin e gazetarëve vazhdon nga viti i kaluar edhe në rrjetet sociale me hashtagun #FreeAJStaff. Mbi 137.000 njerëz kanë shprehur mbështetjen gazetarëve në Twitter, gjë e cila ka pasur mbi dy miliardë shikime. Al Jazeera ka publikuar se do të sjellë tregimet dhe raportet mbi 365 ditët e betejës ligjore për lirimin e kolegëve nga burgu egjiptian.
