Kompania farmaceutike amerikane “Pfizer” ka deklaruar se është e gatshme të paguajë 2.85 miliardë dollarë për të drejtat e trajtimit inovativ të kancerit, të cilën aktualisht është duke e zhvilluar një kompani konkurruese gjermane, “Merck KgaA”.
Së pari “Pfizer” do të paguajë 850 milionë dollarë firmën gjermane dhe më vonë edhe dy miliardë nëse shkojnë mirë hulumtimet klinike të molekulës MCB0010718C2.
Molekula i përket një lloji të ri antitrupash të quajtur “anti-PD-L1”, e cila do të ishte efikase për trajtimin e kancerëve të ndryshëm.
Deri tani kjo molekulë është në fazën e parë të testimit.
“Pfizer” dhe “Merck KgaA” ranë dakord për të ndarë kostot financiare të zhvillimit të ilaçit.
Këto dy kompani farmaceutike do të bashkëpunojnë në vitin e ardhshëm në 20 programe ambicioze kërkimore për të studiuar efektivitetin e molekulës së re.
Molekulën MCB0010718C janë duke e studiuar për trajtimin e kancerit të mushkërive dhe më pas do të testohet edhe për trajtimin e kancerit të lëkurës.
“Pfizer”, qendra e së cilës është vendosur në rrethin e Manhattanit në New Yorkut, është e njohur për prodhimin e ilaçeve Atorvastatina për uljen e kolesterolit në gjak dhe viagrës kundër impotencës.
“Merck KgaA”, i njohur si “Mercku gjerman” është themeluar në 1668, duke e bërë atë më të vjetrën kompani farmaceutike dhe kimike në botë. /albinfo/
