Nga Roald Hysa
Bashkia e Shkodrës ndërmerr veprime të ulëta
Në orët e vona të natës Bashkia e Shkodrës pa asnjë leje, pa asnjë njoftim paraprak apo ndonjë premisë ligjore ka ndërhyrë në Vakufin e Fushë Çelës duke hequr një reklamë të Myftinisë Shkodër. Pikërisht në këto ditë kur të gjithë ne festojmë lirinë e besimit të arritur me aq mundime Bashkia e Shkodrës ndërmerr këto lloj vendimesh të ulëta. Megjithëse prona e Myftinisë është e rrethuar policët bashkiakë në terr të veprimeve juridike e ligjore ndërhyjnë pa pikën e turpit.
Këto veprime janë kryer edhe disa ditë më parë me një reklamë tjetër të Myftinisë Shkodër. Ne si FMSH i shohim këto lloj veprimesh të ulëta si të paprincipta.
Me këtë rast i drejtohemi Bashkisë Shkodër t’ia kthejë në vend reklamat e Myftinisë dhe të mos veprojë me mënyra antiligjore. Ne i bëjmë thirrje Myftinisë ta padisi ligjërisht Bashkinë Shkodër për veprime të ulëta antiligjore. Nuk është normale të shkosh në mes të natës për të hequr një reklamë e për më tepër të hysh në territorin e Xhamisë më të madhe të Shkodrës.
