Aktori spanjoll Javier Bardem mbërrin në edicionin e 77-të të Çmimeve Primetime Emmy në Teatrin Peacock, LA Live, Los Anxhelos, SHBA, 14 shtator 2025.
Disa artistë përdorën paraqitjet e tyre për të bërë thirrje për “Palestinë të Lirë”, duke veshur një kefije dhe duke mbajtur një çantë dore ku shkruhej “ARMËPUSHIM!”, gjatë mbrëmjes së së dielës në edicionin e 77-të të Çmimeve vjetore Emmy në Los Anxhelos, Kaliforni.
Ylli i serialit “Hacks”, Hannah Einbinder, fitoi çmimin e saj të parë Emmy për aktoren më të mirë dytësore në një serial komedi dhe e mbylli fjalimin e saj të pranimit duke thënë: “Forca Zogjtë (Go Birds), Poshtë ICE (F— ICE) dhe Palestinë e Lirë.”
Më vonë, ajo shpjegoi deklaratën e saj ndërsa po i gdhendej emri në trofe prapa skenave.
“Është detyrimi im si person hebre të dalloj hebrenjtë nga Shteti i Izraelit. Feja jonë dhe kultura jonë janë vërtet të ndara nga ky lloj shteti etno-nacionalist,” tha ajo.
Aktorja amerikane Hannah Einbinder pranon çmimin për Aktoren Dytësore në një Serial Komedi për “Hacks” gjatë ceremonisë së 77-të vjetore të Çmimeve Emmy në Teatrin Peacock, Los Anxhelos, Kaliforni, SHBA, 14 shtator 2025. (Foto EPA)
Javier Bardem, i veshur me një kefije dhe duke shprehur mbështetjen e tij për “Punonjësit e Filmit për Palestinën”, njoftoi në hyrje të tapetit të kuq: “Këtu jam sot duke denoncuar gjenocidin në Gaza … Palestinë e Lirë!”
Në javën para Çmimeve Emmy, 3,900 emra të industrisë nënshkruan një zotim të hapur duke deklaruar se nuk do të punojnë me institucionet dhe kompanitë filmike izraelite që janë “të implikuara në gjenocid dhe aparteid kundër popullit palestinez.”
Deklarata e zotimit, e publikuar të hënën nga organizata “Punonjësit e Filmit për Palestinën”, tha se shembujt e bashkëfajësisë përfshijnë “zbardhjen ose justifikimin e gjenocidit dhe aparteidit dhe/ose partneritetin me qeverinë që i kryen ato.”
Sipas Variety, zotimi thekson se shembujt e bashkëfajësisë përfshijnë “zbardhjen ose justifikimin e gjenocidit dhe aparteidit dhe/ose partneritetin me qeverinë që i kryen ato.”
“Ajo që po dëshmojmë është një gjenocid. Dhe siç thashë në emisionin tuaj, me katër mijë njerëz [që vdesin] çdo ditë, kjo duhet të ndalojë,” tha Bardem gjatë një interviste.
Ai vazhdoi duke deklaruar se nuk do dhe nuk mund të punojë me ata që “justifikojnë ose mbështesin gjenocidin.”
“Nuk mundem. Kaq e thjeshtë është. Ne nuk duhet të jemi në gjendje ta bëjmë këtë në këtë industri apo në ndonjë tjetër. Sot në Madrid, në Spanjë, turi, turi çiklistik, u ndalua nga mijëra e mijëra e mijëra njerëz në rrugë që marshonin duke thënë se nuk mund ta lejojmë ekipin e Izraelit të jetë në këtë tur,” tha Bardem.
Megan Stalter e serialit “Hacks” gjithashtu pozoi në tapetin e kuq duke mbajtur një çantë dore ku shkruhej “ARMËPUSHIM!” në një sfond të bardhë dhe me shkronja të theksuara.
