Në kryeqytetin e Jemenit, Sana, ka afër 20.000 vepra të shkruar me dorë, dorëshkrime, të cilat në mënyrë që të ruhen, mbrohen, janë vendosur në një bibliotekë digjitale.
Departamenti i Dorëshkrimeve të Jemenit i ka vendosur 20.000 dorëshkrime osmane në një bibliotekë digjitale, shumica prej tyre të shkruara në gjuhën osmane, turke, arabe dhe persiane. Veprat të cilat mbahen në Departamentin e Dorëshkrimeve të Jemenit në Sanën e Vjetër po tërhiqen dhe po restaurohen.
Shumë dorëshkrime janë qindravjeçare dhe shumë prej tyre janë dëmtuar nga insektet dhe ky është shkaku që është shpenzuar kohë e gjatë për to për t’i restauruar.
Përfaqësuesi i Organizatës, Elham Haydra tha,
Ekipi ynë profesional hulumton faqe për faqe. Nëse është e nevojshme, ato, gjithashtu, do të konvertohen në formatin dixhital për t’u mbrojtur.
Duke kërkuar pas dorëshkrimeve me kujdes të madh, Elham Haydra, gjithashtu, tha se ne kemi tri biblioteka të ndryshme që përmbajnë 20.000 dorëshkrime. Biblioteka e parë ka 3.935 vepra, e dyta ka 13.000. Pjesa tjetër nuk është restauruar ende, dhe nuk është e organizuar .
Restaurimi dhe katalogimi i veprave të përfunduara do të jenë në dispozicion në kopje digjitale, pasi të kompletohen dhe finalizohen.
Dorëshkrimet janë ekspozuar në një sallë, dhe janë në dispozicion të vizitorëve, si një kontribut i Agjencisë Turke për Bashkëpunim Ndërkombëtar dhe Zhvillim (TIKA).
Veprat që janë në gjuhën osmane-turke të shkruara me alfabet arab po regjistrohen dhe arkivohen nga Universiteti i Sana-s, dhe Departmenti i Përkthimeve Turke së bashku me Agjencinë Turke për Bashkëpunim Ndërkombëtar dhe Zhvillim (TIKA).
