Browsing: Lajme

Çaji, mënyra më e shëndetshem për të gatuar orizin

2 Mins Read

Të gjithë e dimë që për të gatuar orizin nevojitet ujë, por paraardhësit tanë duket se dinin më shumë. Ata përdornin një lëng të veçantë për të gatuar orizin, që parandalonte sëmundjet dhe u rregullonte shëndetin.
Ata përdornin çajin!
Çaji largon yndyrnat, pastron gojën dhe ndihmon në procesin e tretjes. Sipas hulumtimeve, gatimi i orizit me çaj mund të parandalojë 5 sëmundje.
1. Parandalon dhe trajton problemet kardiovaskulare
Polifenolet janë përbërësi kryesor tek çaji
Faktet shkencore tregojnë se polifenolet tek çaji parandalojnë problemet me enët e gjakut.
Atom und të reduktojnë gjithashtu kolesterolin e keq në gjak dhe të parandalojnë atherosklerozën.
Sidomos të vjetrit duhet ta konsumojnë orizin në këtë mënyrë nëse duan të parandalojnë sëmundjet kardiovaskulare apo yndyrnat.
2. Parandalon kancerin gastrointestinal
Polifenolet tek çaji bllokojnë zhvillimin e qelizave kancerogjene në trupin e njeriut duke parandaluar kancerin gastrointestinal
3. Parandalojnë sulmet në tru
4. Ndihmojnë procesin e tretjes
Në dinastinë Tang, në libri për bimët mjekësore shkruhet se orizi I gatuar me çaj përmirëson procesin e tretjes dhe metabolizon më shpejt yndyrnat.
5. Parandalon kariesin
Çaji përmban fluor, që është i rëndësishëm për dhëmbët.
Si ta gatuajmë orizin me çaj ?
Në një enë me ujë të zier vendosni disa gjethe çaji. Lëreni për pak minuta dhe më pas shtojani orizit.
Kujdes:
Mos përdorni shumë çaj
Mos e përdorni para gjumit
Sigurohuni që kombinoni ushqimet proteinike me ato që përmbajnë hekur
Çajra të ndryshëm kanë ndikime të ndryshme në parandalimin e sëmundjeve.

Dështimi që na bën mirë

4 Mins Read

Përvojat negative, të njohura ndryshe si dështimet, jo gjithmonë janë aq negative dhe të dëmshme. Është vërtetuar se kjo lloj ndjesie përbën një faktor të pavetëdijshëm që çon drejt motivimit, frymëzimit, dhe prekjes së suksesit.
Në fakt, humbja është një fenomen i pashmangshëm në jetën tonë. Çdo person do të preket në mënyra të ndryshme nga ndjenja e humbjes. Disa njerëz dëshpërohen për dashurinë e humbur, e disa të tjerë bëjnë autokritikë të ashpër për rastet e humbura në shkollë apo punë. Si rezultat, shumë të rinj kanë grumbulluar shqetësime dhe tensione pas këtyre përvojave të hidhura.
Ka shumë prej nesh që duam të marrim pjesë në takime të rëndisishme, të dalim me miqtë, të shkojmë në kinema apo të udhëtojmë në vende të tjera. Nëse nuk i bëjmë këto, atëherë mund të ndihemi keq, sikur nga mungon dicka, dhe na mbështjell një ndjenjë mungese, kemi luhatje humori, keqardhje, bëjmë autokritikë dhe vetëfajësi etj.
Ky humor quhet “frika e humbjes”. Në fakt, kjo është një përvojë që zmadhon tepër rëndësinë e gjërave të humbura dhe zvogëlon atë të fituarat. Ka shumë njerëz sot, për të mos thënë pjesa më e madhe që fokusohet tek gjërat që kanë humbur dhe jo tek ato që kanë fituar, fokusohen tek gjërat në nuk kanë dhe jo tek ato që kanë etj, e këro mendime janë rrënja e dëshpërimit në jetë.
“Frika e humbjes” lidhet ngushtë me kujtimet e kaluara personale, si humbja e disa gjërave të rëndësishme. Për shkak të frikës nga përsëritja e kujtimeve të humbjes, njerëzit bëhen tepër nervozë për humbjen e rasteve sado të vogla.

Dështimi në jetë ka ndikimin e tij pozitiv, pasi çdo gjë e keqe e ka një të mirë dhe çdo gjë e mirë e ka një të keqe.
Dështimi në jetë është pjesë e pashmangshme.
Sa herë ndodh që shumë prej nesh mund të kenë provuar shijen e hidhur të këtyre eksperiencave, që sa herë i përjetojmë na duket se po prekim fundin e botës, por që në fakt janë vetëm fillimi i një rruge dhe mundësie të re e mbushur me plot të papritura, që në shumicën e rasteve janë më interesante se të parat.
Të dështosh, ndonjëherë, na bën vërtet mirë pasi kështu mësojmë se si të jemi më të frymëzuar, më të motivuar, më të rritur, duke gjetur mënyrën se si të hapim dyer të reja për t’u përballur me realitete më të bukura. Në fund të fundit, le ta pranojmë që suksesi i vazhdueshëm të jep në mënyrë të pandërgjegjshme ndjesinë e të pëlqyerit të vetes, në raste të shumta më shumë se ç’duhet. Ndaj, dhe nëse dështojmë, kuptojmë se ndonjëherë na duhet të qëndrojmë me këmbë në tokë. Të dështuarit mbetet një eksperiencë që ka vlerën e saj.
Në Kinë ka një shprehje “kur merr një gjë, do humbasësh një gjë tjetër”. Jeta jonë nuk është perfekte dhe të mençurit kuptojnë çfarë duan në jetë dhe nga çfarë duhet të heqin dorë. Në jetë përballemi me shumë zgjedhje, prandaj duhet të vlerësojmë gjërat më prioritare dhe të bëjmë dallimin nga të tjerat. Duhet të heqim dorë nga vogëlsirat dhe planifikojmë me kujdes punën dhe jetën tonë. Çdo ditë, duhet t’i themi vetes se duhet t’u kushtojmë vëmendje të madhe gjërave më të rëndësishme dhe të shpërfillim vogëlsirat e parëndësishme.
Tek ne ekziston frika e humbjes, shumë frikësohen nga mungesa e të gjitha informacioneve, për shembull, si mesazhi i celularit, mungesa e telefonit, një takim i thjeshtë, informacionet e internetit etj. Bota jonë është ndryshuar thellësisht nga interneti, celulari dhe teknologjia e informacionit. Jemi rrethuar nga informacione të shumta, që na kanë ofruar shumë favore, por në fakt jeta jonë është mbushur edhe me informacione të pavlefshme. Për shembull, një person ka harruar një ditë celularin e tij në shtëpi. Atë do ta zë një ndjenjë paniku për humbjen e mesazheve të rëndësishme në këtë ditë dhe shqetësohet shumë gjatë gjithë ditës. Në fakt ai nuk mendon për gjë tjetër vetëm për mesazhet e humbura. Sapo kthehet në shtëpi puna e parë që bën kontrollon celularin dhe sheh që nuk ka ardhur ndonjë mesazh i rëndësishëm. Ai nuk humbi asnjë informacion të rëndësishëm, por humbi humorin e mirë gjatë ditës pa celular.
Në fakt, duhet të heqim dorë nga informacioni i tepërt i panvojshëm. Çfarë është më e rëndësishme në jetën tonë? Në fakt, e tanishmja, ky moment që po përjetoni tani është momenti më i çmuar dhe përjetoheni atë plotësisht pasi nuk kthehet më. (CRI)

Newsweek: Putini po bën komplot të fshehtë për ta rrëzuar Merkelin

2 Mins Read

E përjavshmja amerikane Newsweek, në edicionin e saj në interneti, ka publikuar një artikull, në të cilin hedh hipotezën se presidenti rus, Vladimir Putin, është duke planifikuar në fshehtësi për rrëzimin e kancelares së Gjermanisë, Angela Merkel.“Mes krizave të shumta që kanë pllakosur kontinentin europian, një tjetër rrezik serioz po shpaloset”, shkruan Newsweek. “Rusia po përpiqet aktivisht që të dëmtojë dhe destabilizojë Gjermaninë”.
Sipas të përjavshmes amerikane, veprimet e Rusisë kundër Gjermanisë të marra së bashku, “përbëjnë një tjetër shembull të një lufte hibride që vë në shënjestër legjitimitetin e një qeverie europiane. Kjo bëhet edhe më e rrezikshme, sepse Rusia e ka shënjestruar fushatën e saj kundër Gjermanisë: një udhëheqëse e rëndësishme e BE-së, e cila aktualisht po përpiqet fort që të mbajë Europën të bashkuar përballë disa rreziqeve për sigurinë, të brendshëm dhe të jashtëm”.
Përgjatë gjithë kohës së krizës në Ukrainë, Rusia e ka rritur shumë aktivitetin e saj të spiunazhit në Gjermani dhe në shtete të tjerë europianë. Janis Sarts, drejtori i Qendrës së Komunikimit Strategjik të NATO-s, ka deklaruar se Rusia qëllimisht po përdor këto taktika për të nxitur pakënaqësi në Gjermani, me synimin final, rrëzimin e kancelares Merkel.
E përjavshmja amerikane shkruan se përpjekjet e Rusisë për destabilizimin e Gjermanisë, përfshijnë edhe nxitje të trazirave atje ku më parë nuk kanë ekzistuar, por sidomos duke shfrytëzuar pakënaqësitë e mëparshme. “Për shembull, në shkurt të këtij viti, shefat e zbulimit të brendshëm dhe të jashtëm gjerman, paralajmëruan se Rusia do të shfrytëzonte “potencialin e madh mobilizues” të popullsisë ruse në Gjermani, duke ditur se Rusia mund të ndikojë tek kjo popullsi, për ta angazhuar në demonstrata të fuqishme publike”.
Për ta ilustruar këtë, jo më larg se një muaj më parë, një grup i quajtur “Kongresi ndërkombëtar i ruso-gjermanëve” demonstroi kundër qeverisë së Merkelit. Shfaqja misterioze dhe e papritur e një organizate për të cilën nuk ishte dëgjuar më parë, është e ngjashme me veprimtaritë e mbështetura nga Rusia në Ukrainë, në vitin 2014.
Newsweek shkruan se Rusia po shfrytëzon edhe krizën e refugjatëve për të rritur pakënaqësinë dhe ndarjet brenda shoqërisë gjermane. Propaganda ruse e ka paraqitur perëndimin si të paqëndrueshëm dhe më pak të sigurtë, për shkak të ardhjes së imigrantëve, duke nxjerrë kështu një panoramë ku siguria e qytetarëve nuk mund të garantohet më prej qeverive europiane.

Ish zëvendëskomandanti i NATO’s: Perëndimi dhe Rusia drejt luftës

2 Mins Read

Një pohim befasues se Perëndimi është në rrugë drejt luftës me Rusinë është bërë nga ish zëvendëskomandanti i NATO’s, dikur gjeneral britanik, Sir Alexander Richard Shirreff.The Guardian shkruan së në një libër të publikuar të mërkurën, “Lufta me Rusinë 2017”, Shirreff argumenton se ngjarjet në Crimea e kanë shkatërruar marrëveshjen e pas luftës së ftohtë dhe e kanë përgatitur skenën për një konflikt, i cili fillon vitin e ardhshëm.
Në një skenar trishtues, ai parashikon se Rusia, në mënyrë që t’i ikë asaj për të cilën beson se është rrethim nga NATO, do të kapë territor në Ukrainën lindore, do të hapë një korridor tokësor për në Crimea dhe do t’i pushtojë shtetet baltike.
Shirreff, i cili ka qenë zëvendëskomandant Suprem i Forcave Aleate në Europë nga viti 2011 deri në vitin 2014, dhe para kësaj, ka shërbyer edhe në Irlandën Veriore, Irak dhe Ballkan, po e vë në rrezik reputacionin e tij duke bërë parashikime kaq guximtare. Por, ai pohon se rrëfimi i tij është ngushtë i modeluar me përvojën e tij në NATO’s në konfliktet e së ardhshmes në lojëra të luftës.
Skenari i tij është specifik, duke përmendur Letoninë si vendi i parë baltik i cili do të pushtohet, në maj të vitit të ardhshëm.
Ai, po ashtu, ka thënë se Putin mund t’i pushtojë shtetet baltike dhe pastaj të kërcënojë me sulm bërthamor nëse NATO kërcënon të ndërhyjë.