Presidenti socialist, François Hollande, popullariteti në rënie i së cilit sa vjen e thellohet më shumë, parashikohet të distancohet që në raundin e parë nga të gjithë rivalët e tjerë nëse kandidon për një tjetër mandat në krye të shtetit, sipas një sondazhi të publikuar sot.
Sipas kësaj hipoteze, gjithsesi e testuar prania e tij në raundin e dytë parashikon një humbje të thellë përballë çdo lloj kundërshtari të mundshëm, duke përfshirë edhe lideren e ekstremit të djathtë, Marine Le Pen, një skenar tërësisht i pazakontë, sipas së njëjtit sondazh.
Ky do të jetë rezultati më i keq i shënuar nga kreu i Shtetit Francez në sondazhin e kryer për presidencialet e vitit 2017.
Sipas sondazhit Odoxa-Dentsu Consulting publikuar sot në të përditshmen “Le Parisien” dhe në kanalin e lajmeve on line “BFMTV”, François Hollande mund të fitojë rreth 15 për qind në raundin e parë nëse zgjedhjet zhvillohen ditën e dielë.
Ai parashikohet të eliminohet në mënyrë të pashmangshme në favor të Marine Le Pen ose kandidatit të djathtë, ish-presidentit Nicolas Sarkozy (2007-2012) si dhe Alain Juppe, favoriti kryesor në sondazhe për parapraket në kampin konservator nëntorin e kaluar.
Presidenti Hollande njoftoi një ditë më parë se do të vendoste në fund të vitit për një kandidaturë të mundshme për rizgjedhjen e tij në 2017-ën.kohaislame
Source: Informacione
