Ura e tretë mbi Bosfor në Stamboll do të hapet në tetor 2015

0

Ura e tretë mbi Bosfor në Stamboll do të hapet në tetor 2015, ka deklaruar ministri i Transportit dhe Komunikacionit të Turqisë, Lutfi Elvan, raporton Anadolu Agency (AA).

“Kullat e urës së tretë kanë arritur lartësinë prej 312 metra dhe ka mbetur të ndërtohen edhe 10 metra për të përfunduar ndërtimin”, ka thënë Elvan gjatë vizitës së sotme në Anadolu Agency.

“Qëllimi është të hapim urën më 29 tetor 2015”, zbuloi ministri. Ura Yavuz Sultan Selim sipas fjalëve të ministrit është planifikuar të hapet në Ditën e Republikës së Turqisë. Elvan po ashtu shtoi se infrastruktura e aeroportit Ordu-Giersun që ndodhet në bregdetin e Detit të Zi ka përfunduar, dhe se aktualisht punohet në rindërtimin.

Aeroporti i cili është ndërtuar në ishullin artificial do të jetë i hapur në mars të 2015, ka thënë Elvan. Ministri zbuloi planet për të ndërtuar një hekurudhë përmes ngushticës Cannakale apo ngushticën e Dardaneleve. Ai tha se qeveria do të ndajë 8.5 miliard lira për projektin e ndërtimit të hekurudhave në vitin e ardhshëm, duke shtuar se nga viti 2016, planifikon të ndajë 12 miliardë lira në vit.

Elvan tha po ashtu se Turqia deri në fund të 2015 planifikon të hapë rrugën hekurudhore Baku – Tbilsi – Kars, e cila do të lidhë Azerbajxhanin, Gjeorgjinë dhe Turqinë. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com