Ministri i Turqisë për Çështjet Ekonomike, Nihat Zeybekci tha se vendi i tij është i gatshëm për të rritur lidhjet tregtare me Katarin për 1.5 miliardë dollarë deri në fund të vitit 2015.
Në një fjalim në Forumin e biznesit Kataro – Turk, të mbajtur në Doha, Zeybekci theksoi rritjen e ndjeshme të tregtisë bilaterale ndërmjet të dy vendeve, nga 24 milion dollarë në 2003, në 770 milion në vitin 2013.
Ministri turk theksoi se kompanitë turke kanë zbatuar projekte në Katar me vlerë rreth 13.5 miliardë dollarë, dhe këto janë në kuadër të marrëveshjeve të dekadës së fundit. Nga ana tjetër, investimet e drejtpërdrejta të Katarit në Turqi kanë arritur vlerën e 740 milion dollarëve, shtoi ai.
Zeybekci përsëriti gatishmërinë e Turqisë për të arritur një marrëveshje që do të lejonte vendin e tij për të importuar gaz të lëngshëm natyror nga Katari, prodhuesi më i madh në botë i këtij derivati.
Ai shtoi se Turqia aspiron të bëhet në mesin e top 10 ekonomive botërore me arritjen e një GDP prej 2 trilion dollarësh, duke rritur vlerën e importeve të saj në 500 miliardë dollarë, dhe të ardhurat për frymë banori në 25,000 dollarë.
Zeybekci parashikoi se eksportet neto të Turqisë do të rriten nga 151.8 miliardë dollarë në 2013 në 500 miliardë dollarë në vitin 2023. /mesazhi/
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim