Skandali në QKUK, Bicaj jep dorëheqje, ripërsëritet testimi

0

(E plotësuar) Përmes një njoftimi për medie nga QKUK, bëhet e ditur se komisioni përkatës, pas raportimit të gazetës Tribuna për manipulim të testimit për drejtorë të klinikave, ka vendosur ripërsëritjen e testimit për degët diagnostiko.

Në njoftim thuhet:

“Pas shqetësimit të ngritur nga mediet në lidhje me parregullsitë eventuale në konkursin për drejtorë të klinikave, shërbimeve dhe instituteve për lëmenjtë diagnostike, drejtori i përgjithshëm i SHSKUK-së, Dr. Curr Gjocaj, ka kërkuar mbledhje urgjente nga komisioni vlerësues, edhe pse komisioni vepron si trup i pavarur.
Pas analizës së bërë nga ana e komisionit, drejtorit të përgjithshëm të SHSKUK-së i është propozuar ripërsëritja e intervistimit për degët diagnostike.

Ndërkohë i caktuari si anëtarë i komisionit nga Fakulteti i Mjekësisë, Prof.dr. Xhavit Bicaj, i apostrofuar nga mediet, përmes një deklarate me shkrim, ka njoftuar drejtorin e SHSKUK, se jep dorëheqje të parevokueshme, duke pasur parasysh interesin e përgjithshëm dhe duke dëshiruar që procesi të përmbyllet me sukses.

Procedura do të vazhdojë normalisht për klinikat dhe shërbimet e degëve internisitke dhe kirurgjike.

Skandali në QKUK, Xhavit Bicaj jep dorëheqje

Xhavit Bicaj ka dhënë dorëheqje nga posti i anëtarit të komisionit të panelit për zgjedhje të Drejtorëve të Klinikave të Qendrës Klinike Universitare e Kosovës (QKUK). Dorëheqjen e ka pohuar për gazetën Tribuna vet Bicaj.

Dorëheqja e tij ka ardhur pas raportimit të sotëm gazetës Tribuna për manipulimet të cilat i ka bërë Bicaj në dërgimin e provimit me përgjigje të sakta disa kandidatët të konkursit.

Sipas drejtorit të Shërbimit Spitalor Klinik Universitar të Kosovës (SHSKUK), Curr Gjocaj QKUK, në orët e pasdites pritet të dal me një qëndrim zyrtarë, lidhur me këtë çështje.

Pritet anulimi i konkursit si dhe hapa të tjerë pas këtij skandali që zbuloi gazeta Tribuna.

Xhavit Bicaj ua tregon përgjigjet e sakta kandidatëve

Nga: Nexhmije Ahmeti/Gentiana Hasani

Ramë Miftari dhe Sonja Blakaj mund të jenë kandidatët më të suksesshëm në intervistën me shkrim për udhëheqës të klinikave në QKU. Miftari ka konkuruar për drejtor të shërbimit klinik të mjekësisë nukleare, ndërsa Sonja Blakaj për drejtor të Klinikës së Onkologjisë në QKU. Këta të dy kanë pasur para vetes komplet pyetjet me përgjigje të sakta.

Krejt këto u janë dërguar të dyve nga Xhavit Bicaj në e-mail. E testi me shkrim me përgjigje të sakta Miftarit dhe Blakajt u është dërguar nga Bicaj me anë të postës elektronike më 4 gusht. Pikërisht në këtë ditë është mbajtur intervista me shkrim për disa nga drejtorë të Klinikave përfshirë Miftarin dhe Blakajn.

Zyrtarë për media të QKU nuk mund të konfirmojnë nëse Miftari dhe Blakaj e kanë kaluar intervistën me shkrim vetëm se konfirmojnë se të hënën të dy këta iu kanë nënshtruar kësaj interviste. Kjo është konfirmuar nga zëdhënësja Mirlinda Qyqalla. E njëri nga anëtarët e komisionit vlerësues të intervistës është edhe ai që u ka dërguar përgjigjet e sakta…(më gjerësisht në gazetën Tribuna).

 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com