Rezoluta e PE tregoi vendosmëri për bisedime paqësore izraelito-palestineze

0

Rezoluta e Parlamentit Evropian për mbështetjen e njohjes parimore të shtetësisë së Palestinës tregoi vendosmërinë e Evropës kur është fjala për rifillimin e bisedimeve izraelito-palestineze të paqes, transmeton Anadolu Agency (AA).

Eurodeputetët  komentuan miratimin e rezolutës së djeshme.

Parlamentari italian Brando Benifei, i cili është anëtar i Komisionit të Punëve të Jashtme të PE-së, tha se rezoluta parlamentare paraqet mesazh politik në procesin e paqes Izraelito-Palestineze.
“Rezoluta është inkurajim i hapur për njohjen e Palestinës si shtet. Institucionet e PE-së dhe BE-së nuk munden vetvetiu ti pranojnë shtetet, por shteteve anëtare i dërguam mesazh të fortë politik. Vendimi i Parlamentit do të jetë forcë shtytëse për forcimin e procesit të paqes në rajon”, tha ai.

Benifei shtoi se teksti i vendimit mbështet shtetin palestinez, duke shtuar se përfaqësuesja e lartë e politikës së jashtme të Bashkimit Evropian Federica Mogherini angazhohet për rifillimin e procesit të paqes në rajon.

Eurodeputeti polak dhe anëtari i Partisë Popullore Evropiane (EPP), Michal Boni konsideron se me vendimin e PE-së duhet ta pranojmë Izraelin dhe Palestinën si dy shtete të ndara.

“Rezoluta do të thotë të bëhen hapa të reja për paqen në Lindjen e Mesme. Në fund të procesit, PE do ta njohë Palestinën si shtet. Njerëzit në Izrael dhe Palestinë duhet ti inkurajojmë në drejtim të përparimit të tyre drejt paqes në të ardhmen,” porosit Boni.

Parlamenti Evropian miratoi dje një rezolutë që mbështet në parim njohjen e Palestinës si shtet.

Me rastin e votimit në Asamblenë e Përgjithshme të Parlamentit Evropian, rezoluta u miratua me 498 vota “për”, ndërsa 88 vota ishin “kundër”. Në votim morën pjesë 697 anëtarë të parlamentit, ndërsa 111 përfaqësues abstenuan. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com