Egjipt, qendrat policore kthehen në kampe të torturës

0

Qendrat policore në Egjipt janë shndërruar në kampe të torturës për studentët e universiteteve që po protesojnë kundër grushtit të shtetit. Këto deklartata u raportuan nga aktivistët e të drejtave të njeriut dhe dëshmitarët okularë.
Një dëshmi e shkruar, e cila ka rrjedhur, zbulon detaje tronditëse në lidhje me torturimin e studentëve të universiteteve nga policia egjiptiane. Njëri nga studentët e arrestuar, Omar Gamal Ibrahim Al Shoeikh, i kishte shkruar avokatit të tij, duke e njoftuar se ai i nënshtrohet torturës brutale nga punonjësit e policisë.
Gjithashtu bëhet e ditur se dhomat e paraburgimit quhen ndryshe edhe “frigorifer”, dhe se kushtet e trajtimit aty janë çnjerëzore.
Një tjetër i paraburgosur në shtabin e policisë në qytetin Nasr ka dëshmuar se punonjësit e policisë jo vetëm se kanë përdorur tortura, por edhe kanë detyruar studentët që të këndojnë këngë pro Sisit (arkitektit të grusht shtetit ushtarak) për të ndaluar torturën. Studenti foli në kushte anonimiteti .
Numri i studentëve të paraburgosur është mbi 50. /mesazhi/ 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com