27 raste të ngacmimit seksual janë raportuar në nivel vendi gjatë 5 muajve të parë të këtij viti në Policinë e Kosovës.
Zëdhënësi i Policisë së Kosovës, Brahim Sadriu, ka thënë se në shumicën e këtyre rasteve, kryesisht janë të njohur, duke shtuar se ka pasur të arrestuar.
Ai ka thënë se rastet e ngacmimeve seksuale hetohen nga hetuesit në nivel të hetimeve rajonale, të kualifikuara si vepra kundër integritetit trupor.
Avokati Arianit Koci, tha se me legjislacion është e mbuluar shumë mirë kjo çështje, por, sipas tij, problemi më i madh është se rastet nuk raportohen, për shkak të mentalitetit që mbretëron këtu.
Kurse sociologu Ferid Kamberi ka thënë se, ngacmimet seksuale datojnë qysh në kohërat më të hershme, duke mbetur akoma një enigmë e shoqërisë bashkëkohore.
