Një xhami në anën greke të Qipros hapi sot dyert e saj për të myslimanët, pasi kishte mbetur e mbyllur për 51 vitet e fundit.
Pas ceremonisë së inaugurimit, kreu i çështjeve fetare të Qipros Veriore, Talip Atalai u bë imam në namazin e sabahut, për herë të parë që nga viti 1963.
Xhamia “Tahtakale” ndodhet në pjesën jugore të Lefkosas (Nikozia), që kontrollohet nga administrata greko-qipriote.
Në fjalën e tij gjatë ceremonisë, Atalaj tha se rajoni Tahtakale ishte një nga territoret e para që turqit qipriotë u detyruan të largohen në vitin 1963.
Atalaj tha se paqja në ishull do të shërbejë si shembull i mirë për të gjithë rajonin.
“Dy popuj, të cilët kanë jetuar për shekuj në paqe, duhet të gjejnë mënyrat për të pasur një të ardhme së bashku,” shtoi ai.
Në ceremoninë e rihapjes morën pjesë edhe ndihmësi i Kishës Ortodokse greke Kryepeshkopi Hrisostomos , së bashku me Klas Gierov , ambasadori suedez në administratën greko-qipriote.
Ambasadori Gierov e ka quajtur rihapjen e xhamisë dhe namazin e parë pas 51 viteve si një ngjarje historike.
Ishulli i Qipros ka mbetur i ndarë në pjesët greke dhe turke që nga një grusht shteti greko-qipriot, e që u pasua nga një mision paqeje për të ndihmuar turqit qipriotë të jetojnë në veri. /mesazhi/