Nishani në Forumin “SHBA – Bota Islame’’

0

“Harmonia fetare në Shqipëri, shembull edhe për kombet e tjera”

Presidenti i Republikës, Bujar Nishani së bashku me Zonjën e Parë dhe delegacionin shqiptar, po viziton zyrtarisht Shtetin e Katarit me ftesë të Emirit, Sheik Tamim Bin Hamad Bin Khalifa Al Thani për të marrë pjesë në Forumin ‘’Shtetet e Bashkuara të Amerikës – Bota Islame’’, që po zhvillohet në Doha nga data 9-11 qershor.

Në sesionin e hapjes të Forumit “SH.B.A. – Bota Islame”, Kreu i Shtetit shqiptar, mbajti fjalën përshëndetëse, në të cilën u shpreh se “ne shqiptarët jemi krenarë, për faktin se jetojmë në një shoqëri shumëfetare me shumicë myslimane, ku anëtarët e të gjitha besimeve bashkëjetojnë për shekuj në paqe dhe harmoni të plotë. Besimet fetare myslimane, ortodokse dhe katolike, të cilat bashkëjetojnë në harmoni, janë shndërruar për ne në një vlerë të çmuar identifikuese dhe një shembull, nga i cili mund të mësojnë edhe kombe të tjera të zhvilluara”.

presidenti-nishani-konferenca-ne-katarPresidenti Nishani, duke folur për harmonin fetare ai theksoi se “Shqiptarët nuk ranë në grackën e “ngjyrimeve fetare” të tragjedisë fundit, gjatë viteve 1990 në Ballkan. Republika e Shqipërisë ishte nga vendet e para që njohu Maqedoninë, pas shkëputjes së saj nga trungu i ish-Jugosllavisë”. “Shqiptarët e Maqedonisë, të fesë myslimane bashkuan përpjekjet me maqedonasit e fesë ortodokse për ndërtimin e këtij shteti të ri demokratik.Shqiptarët e Kosovës formësuan “rezistencën paqësore”, si një qasje pragmatike për të ruajtur qenien e tyre njerëzore nga vala e gjenocidit serb dhe për të arritur pavarësinë nga Beogradi”, tha Nishani.

Po ashtu, Nishani pohoi “Ambasadori i SHBA në Shqipëri gjatë periudhës 1930-1933 Herman Bernstein shkruante në raportimet e tij për Ëashingtonin se: “Nuk ka asnjë gjurmë diskriminimi ndaj hebrenjve në Shqipëri, sepse ajo tokë është njëra prej atyre vendeve të rralla në Evropën e sotme ku paragjykimi dhe urrejtja fetare nuk ekziston, edhe pse vetë shqiptarët u përkasin tre feve. Gjatë periudhës së errët të Holokaustit, Shqipëria, jo vetëm ruajti të gjithë hebrenjtë që jetonin në territorin e saj, por shërbeu edhe si vend transit strehimi për të gjithë hebrenjtë që largoheshin nga vende të tjera për t`i shpëtuar gijotinës së Holokaustit. Shqiptarët nuk dorëzuan asnjë hebre brenda territorit të Shqipërisë”.

presidenti-nishani-konferenca-ne-katar-2“Shtetet e Bashkuara na u gjendën gjithmonë pranë, në kalimin e vështirë, por të domosdoshëm të vendit nga sistemi njëpartiak në atë shumëpartiak, nga ekonomia e centralizuar në ekonominë e tregut të lirë, nga sigurimi kombëtar me bunkerë në një regjim sigurimi ndërkombëtar, nga shteti i dhunës në sundimin e ligjit, nga vendi më i izoluar në vendin anëtar të NATO-s dhe aspirant për në BE”, tha Nishani.

Gjithashtu, Presidenti Nishani, pasi solli një ekspoze të vlerave të bashkëjetesës fetare në Shqipëri si shembull i përkryes, vlerësoje lartë bashkëpunimin e Shqipërisë me Shtetet e Bashkuara dhe se marrëdhëniet shqiptaro-amerikane, shënuan kulmin e tyre me vizitën historike të Presidentit George W. Bush, më 10 qershor 2007. Shtetet e Bashkuara të Amerikës duhet të jenë padyshim, në ballë të përpjekjeve tona të përbashkëta për botën e së nesërmes”

Modeli shqiptar i bashkëjetesës fetare dhe i pranimit të tjetrit ndryshe na frymëzon në vizionin tonë për një botë të paqtë, ku racat, fetë, kulturat, të gjithë njerëzit, bashkëjetojnë në harmoni.

/ATSH 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com