Katastrofa në Gazë: 300 fëmijë të vrarë, 400 mijë të zhvendosur, 8900 të plagosur…

0

Deri të shtunën rreth mesditës, janë regjistruar 1654 viktima fatale palestineze, sipas shërbimeve lokale të sigurisë.
Lufta midis lëvizjes Hamas dhe Izraelit ka marrë jetën 300 fëmijëve. Izraeli ka shkatërruar mijëra shtëpi dhe ekonomi familjare.

Numri i të plagosurve është 8900, ndërsa Izraeli ka humbur 63 ushtarë nga 3032 raketa të Hamasit, transmeton Telegrafi.

Izraeli thotë se ka dëshmi që gati gjysma e palestinezëve të vrarë gjatë 25 ditëve të konfliktit në Gaza kanë qenë luftëtarë.

Ndërsa, sipas të dhënave të OKB-së, 280 mijë persona janë shpërngulur, pra 15 për qind e popullatës. Ndërsa, sipas Organizatës Botërore të Shëndetësisë, numri i të shpërngulurve është 400 mijë. Sipas krahasimeve, kjo i bie që 1,85 milionë njujorkez do të duhej të lëshonin shtëpitë.

– Ndihmë psikologjike kanë nevojë 326 mijë të mitur, thotë UNICEF.

– Kërcënim paraqesin mijëra municione të pashpërthyera në Gazë, raporton OKB.

– Janë mbyllur 10 nga 33 spitale, ndërsa 11 janë dëmtuar, thotë OBSH.

– Janë shkatërruar plotësisht shtëpitë e 9815 familjeve (rreth 58.900 banorë), citohet OKB.

– Zyra për Koordinimin e Çështjeve Humanitare nga OKB-ja vlerëson se për ndihmë në Gazë duhen më shumë se 390 milionë dollarë, nga të cilat janë mbuluar 43 me donacione, thuhet në raportet e 28 korrikut.

– OBSH vlerëson se tani ka mjete për vetëm 6 për qind të nevojave të paraqitura.

Sipas të dhënave, shkalla e papunësisë në Gazë është 40 për qind. Më 2000 ishte nën 20, 30 ishte më 2011. Ndërsa, në kohë paqe 70 për qind e popullatës varet nga ndihma humanitare.

43.4 për qind e popullatës së 1.8 milionë banorëve në Gazë janë nën moshën 14 vjeçare. Popullsia rritet me shkallën 3.7 për qind në vit, ndërsa mosha mesatare është 18 vjet. /Telegrafi/ 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com