Duke shkelur apelin e Këshillit të Sigurimit të OKB-së për armëpushim të menjëhershëm, avionët izraelitë, tanket dhe artileritë vazhduan të sulmojnë Rripin e Gazës, duke vrarë 28 anëtarë të një familje të vetme pranë kufirit jugor me Egjiptin.
Sulmet e pandërprera quan numrin e viktimave në 502, duke përfshirë mbi 100 fëmijë.
Shpërthimet tronditën qytetin e Gazës qysh herët në mëngjes, e banorët raportuan luftime të rënda në lagjet Shejaia dhe Zeitun. Vendorët gjithashtu thanë se kishte granatime të rënda në Beit Hanun, në veri të Rripit të Gazës.
“Duket se ne po shkojmë drejt një masakre në Beit Hanun. Ata na dëbuan nga shtëpitë tona nën tytën e pushkës” tha Abu Ahmed, duke mos dashur ta japë emrin e tij të plotë nga frika e hakmarrjes izraelite.
“Ishte një natë tmerri,” tha 50 vjeçari për Reuters.
Në anën tjetër të Gazës, mjekët thanë se 28 anëtarë të familjes së Ebu Jamea vdiqën kur shtëpia e tyre u godit nga një bombë. Aty pranë, 10 anëtarë të familjes Seyam vdiqën kur shtëpia u godit nga një predhë, derisi ata u përpoqën të iknin nga shtëpia e tyre, thanë zyrtarët.
Pavarësisht thirrjeve për ndërprerje të masakrës, ministra izraelite e mbrojtjes përjashtoi çdo armëpushim të shpejtë.
“Nuk është koha për të folur për armëpushim,” tha Gilad Erdan, ministri i komunikimit dhe anëtar i kabinetit të sigurisë brendshme.
“Ne duhet të përfundojmë misionin,” u tha ai gazetarëve.
Nga ana e vet, Hamas, i dobësuar nga humbja e aleatit – Egjiptit, shprehu vendosmërinë për të luftuar dhe mbrojtur Gazën. /mesazhi/
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim