Hulumtuesit përhapjen e Ebola-s e kanë lidhur me politikën e FMN-së

0

Disa hulumtues përhapjen e Ebola-s e kanë lidhur me politikën e buxhetit të FMN-së

Hulumtuesit nga universitetet e Kembrixhit dhe Oksfordit, përhapjen e shpejtë të virusit Ebola në Afrikën Perëndimore, e kanë lidhur me politikën e buxhetit që zbatohet në sektorin e shëndetësisë nga Fondi Monetar Ndërkombëtar (FMN), raporton Anadolu Agency (AA).

Shkencëtarët, në një studim të publikuar në revistën “The Lancet”, janë ndalur mbi të metat e sistemit shëndetësor në Guine, Liberi dhe Sierra Leone, aty dhe ku virusi Ebola ka qenë efektiv.

Studiuesit analizuan të dhënat nga 1990 deri në 2014 në programet e kredive të FMN-së të zbatuara ndaj këtyre vendeve ku si rezultat i studimeve është konstatuar se FMN-ja për shkak të reformave të zbatuara në fushat e ekonomisë dhe kujdesit shëndetësor ka dobësuar sistemet shëndetësore në këto vende.

Sociologu Alexander Kentikelenis dhe një nga hulumtuesit në universitetin Kembrixhit, duke vënë në dukje se përhapja me shpejtësi e virusit është për shkak të dobësimit të sistemeve shëndetësore, ai theksoi se kjo nuk duhet të injorohet.

Fondi Monetar Ndërkombëtar në muajin shtator ka dhënë një ndihmë monetare për Liberinë 49 milionë $, për Guinean 41 milionë dhe për Sierra Leonen 40 milionë dollarë me një total prej 130 milionë dollarë. FMN e cila kishte njoftuar se kjo ndihmë monetare ndaj këtyre tre vendeve do të përdorej për të mbyllur bilancin e pagesave dhe deficiteve buxhetore, dhe gjithashtu kishte bërë thirrje që të dërgohej më shumë ndihma ndaj këtyre vendeve.

Sipas të dhënave të fundit të Organizatës Botërore të Shëndetësisë, numri i vdekjeve për shkak të Ebolas në Afrikën Perëndimore ka tejkaluar 7300 persona. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com