Gjermani, sekuestrohet 5.6 tonë drogë që vinte nga Shqipëria

0

Policia gjermane ka sekuestruar sasinë më të madhe të drogës të ardhur nga Shqipëria. Autoritetet policore të Bavarisë në Gjermani, në bashkëpunim me autoritetet doganore të këtij vendi, kanë sekuestruar 5.6 tonë marihuanë në një kamion, të ngarkuar me blloqe graniti dhe brenda të cilave ishte futur lënda narkotike.
Sasia e drogës, më e madhja e kapur në vitet e fundit në Gjermani, thuhet se e ka origjinën nga Shqipëria dhe ishte e destinuar për tregun gjerman, holandez dhe italian.

Autoritetet gjermane bëjnë të ditur se kanë arrestuar 8 persona të moshës 30-49 vjeç, të dyshuar si kontrabanduesit e sasisë rekord të marihuanës prej rreth 5.6 tonë. Në krye të trafikut besohet se qëndrojnë dy vëllezër shqiptarë.

Kreu i antinarkotikëve në Mynih, Jurgen Thiel tha se kjo është sasia më e madhe e drogës e kapur në 20 vitet e fundit në landin e Bavarisë.

“Nëse sasia e marihuanës do të kishte dalë në treg do të kapte shifrën e 50 milionë eurove. Droga ishte fshehur në blloqe gurësh natyralë, të cilët do të transportoheshin për në Gjermani. Blloqet ishin përpunuar në atë mënyrë që të dukeshin si gurë graniti të përpunuar”, tha Thiel.

 

Mediat bavareze thonë se paketimi është bërë në Shqipëri, ku marihuana mbillet në liri. Shqiptarët kishin përgatitur blloqe betoni me hapësirë të nevojshme për të mbajtur sasinë gjigante. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com