Geert Wilders në gjykatë për deklaratat raciste ndaj marokenëve

0

Geert Wilders, lideri i Partisë së Lirisë (PVV), do të dalë para Gjykatës për shkak të deklaratave të debatueshme të drejtuara ndaj qytetarëve holandez me origjinë nga Maroku, raporton Anadolu Agency (AA).

Prokuroria në Hagë njoftoi se në muajt e fundit pranoi shumë ankesa kundër Wildersit ku ai akuzohet për diskriminim dhe fyerje racore kundër qytetarëve me origjinë marokene. Prokuroria pretendon se ka marrë vendimin për nisur procedurat kundër Wilders i cili akuzohet për diskriminim racor, shpifje dhe nxitje të urrejtjes ndaj marokenëve që jetojnë në Holandë.

Në njoftim nuk specifikohet se kur do të fillojë procesi gjyqësor kundër Partisë së Lirisë. Wilders ka deklaruar për mediat holandeze se nuk e kupton pse “Prokuroria ngriti padi kundër tij”, duke theksuar se disa zyrtarë holandez nuk dëshirojnë rritjen e popullaritetit të partisë të cilën ai e përfaqëson.

Në fund të muajit mars të këtij viti kundër Wilders është ngritur edhe një padi, për shkak se marokenët dhe myslimanët në Holandë i ka quajtur “të ndyrë”. Ky politikan kontrovers për kanalin holandez “RTL-Z” ka deklaruar se “marokenët janë të ndyrë dhe se dëshiron t’i kthejë andej nga kanë ardhur”. Atëherë gjithashtu theksoi se gati 60 për qind e marokenëve që jetojnë në Holandë duhet të largohen nga vendi.

“A jeni për atë që në këtë qytet, por edhe në Holandë të ketë sa ma pak maroken”, pyeti atëherë Wilders ndjekësit e tij në një tubim politik në Hagë. Ndjekësit e kësaj Partie të krahut të djathtë brohorisnin “Më pak, më pak, më pak!”.

Wilders, i cili në vitet e fundit u bë i “famshëm” për deklaratat e tij kundër muslimanëve, emigrantëve dhe Bashkimit Evropian, deklaroi që dëshiron një bashkëpunim më të fortë me partitë politike të cilat ndjekin politikë të ngjashme si partia e tij. Në disa raste ai deklaroi se beson fuqishëm që në vitet e ardhshme partitë politike që kundërshtojnë BE-në dhe luftojnë kundër imigrantëve në Evropë do të bëhen më të popullarizuara, duke theksuar se ka ardhur koha që bashkërisht të veprojnë në nivelin evropian.

Ai theksoi se partia e tij ndanë politikë të përbashkët me disa partitë tjera të krahut të djathtë në Francë, Belgjikë, Danimarkë, më shumë se me partitë në Holandë. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com