Britani, jep doreheqje sekretari i jashtem William Hague

0

Sekretari i Jashtëm britanik William Hague njoftoi dorëheqjen e tij të papritur, e cila erdhi pas riorganizimit të qeverisë së kryeministrit David Cameron.
Hague, diplomati më i lartë i Britanisë për katër vitet e fundit dhe një ish-lider i partisë Konservatore, tha se ai ishte duke jepur dorëheqje për të marrë një post më të vogël ministror.
Udhëheqësi britanik ka premtuar se do të përpiqet për të riformuar lidhjet e Britanisë me BE-në.
Hague tha se ai gjithashtu do të jap dorëheqje si anëtar i parlamentit të Britanisë, pas 26 vite në politikë.

Kryeministri britanik, David Cameron, e ka emëruar Philip Hammond, sekretar të ri të Jashtëm të këtij vendi.
Hammond momentalisht është Sekretar i Mbrojtjes dhe njihet për politikat e tij skeptike ndaj Evropës.

Hammond do e zevendësojë William Hague, i cili njoftoj se ka dhënë dorëheqje, katër vjet pasi e kishte marrë detyrën e shefit të diplomacisë britanike.

Lëvizja e papritshme ka të bëjë me riformatimin e qeverisë britanike, para zgjedhjeve të përgjithshme që do të mbahen në muajin maj të vitit të ardhshëm.

William Hague, i cili ishte zgjedhur për herë të parë deputet në vitin 1989, ka thënë se vitin e ardhshëm do heq dorë nga politika kombëtare në përgjithësi.

Hague ka thënë se ai do të vazhdojë të punojë si i deleguar i veçantë për t’i dhënë fund dhunës seksuale në zonat e luftës, diçka në të cilin ai është i angazhuar së bashku me aktoren e Hollywoodit, Angelina Jolie. /rel 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com