Turqi: Masat kundër terrorizmit, u ndalohet hyrja 7200 personave

0

Ministri i jashtëm i Turqisë, Mevlut Çavusoglu, në lidhje me luftëtarët që synojnë të kalojnë në Irak dhe Siri nëpërmjet Turqisë tha se në listën e ndalur të Turqisë janë më shumë se 7 200 persona dhe se në lidhje me këtë janë rritur masat e sigurisë në kufi, raporton Anadolu Agency (AA).

Ministri i jashtëm Çavusoglu i cili foli në ditën e dytë të takimit të 21-të të Këshillit të Ministrave, të Organizatës për Siguri dhe Bashkëpunim në Europë (OSBE) të mbajtur në Basel të Zvicrës tha se terrorizmi akoma përbën një rrezik të madh për paqen ndërkombëtare dhe se të gjitha vendet dhe komuniteti ndërkombëtar duhet të bashkëpunojë në kuadër të kësaj.

Çavusoglu tha se: “Vendimet që kemi marrë si prioritet i ynë në luftën kundër terrorizmit, duhet të ketë zbatim të plotë të vendimeve të marra dhe se terrorizmi nuk duhet të lidhet me përkatësitë fetare, besimet, kulturat apo me grupet etnike”.

Çavusoglu thekson se Turqia gjithmonë ka mbështetur luftën kundër terrorizmit dhe gjithashtu ka këshilluar që edhe OKB, Këshilli Europian dhe organizatat e tjera ndërkombëtare duhet të luajë një rol mbështetës në luftën kundër terrorizmit. Çavusoglu duke vënë në dukje se në luftën kundër terrorizmit duhet të marrë pjesë edhe shoqërinë civile rikujton se Turqia dhe SHBA në vitin 2011 ndërmorën një iniciativë globale për rritjen e bashkëpunimit ndërkombëtar kundër terrorizmit.

Çavusoglu shton më tej se: “Terroristët e huaj janë elementë të një kërcënimi botëror. Këtë e kemi parë edhe më parë në Afganistan, Irak, Kenia, Libi, Tunizi, Çeçeni dhe Somali. Gjithashtu me këtë situatë jemi duke u përballur jo vetën në Irak dhe Siri, por edhe në Lindje të Ukrainës. Rreziku në Irak dhe Siri nuk është i ndryshëm nga ato të së kaluarës dhe ne duhet të nxjerrim mësim nga kjo. Këtë rrezik nuk mund ta parandalojmë duke drejtuar tymin e një zjarri të madh në drejtim tjetër. Jemi të detyruar të fikim kë zjarr në Irak dhe Siri”.

– “Më tepër se gjysma e pjesëmarrësve në ISIL (DEASH) janë njerëz të rajonit”

Çavusoglu gjithashtu ka theksuar se Turqia ka bërë paralajmërimet e nevojshme në mënyrë të përsëritur ndaj komunitetit ndërkombëtar i cili duke mos reaguar ndaj krizës në Siri dhe në emër të politikës etnike të ish-qeverisë së Irakut ka përgatitur terrenin për rilindje të El Kaides dhe ISIL në Irak dhe Siri.

Çavusoglu ka theksuar se “ISIL, nën emrin e fesë dhe të mediave sociale kanë mbledhur njerëz nga më shumë se 80 vende brenda saj por pjesëmarrësit më tepër se gjysma e tyre janë njerëz të rajonit dhe kështu që vendosja në rend të ditës vetëm e elementeve (luftëtarëve) të huaj terroriste nuk jep zgjidhje për këtë çështje. Përveç masave ushtarake dhe zbatimit të ligjit kërkohet një strategji gjithëpërfshirëse për rehabilitimin për eliminimin e radikalizmi, gjithashtu duke përfshirë edhe rindërtimin e vendit dhe të shtetit “.

– 7 200 persona e kanë të ndaluar hyrjen në vend

Çavusoglu duke folur për masat kundër-terrorizmit të Turqisë tha: “Në lidhje me luftëtarët e huaj në listën e personave të ndalur të Turqisë janë më shumë se 7 200 persona dhe që në vitin 2011 kemi deportuar 1050 persona jashtë kufijve të Turqisë. Por kemi vëzhguar se akoma luftëtarët e huaj vazhdojnë të vijnë dhe ata që kemi deportuar kanë ardhur përsëri në kufijtë tanë. Për këtë ne kemi rritur masat e sigurisë”.

Çavusoglu i ka bërë thirrje komunitetit ndërkombëtar në luftën kundër terrorizmit për shkëmbim të inteligjencës dhe informacionit duke thënë se bashkëpunimi ndërkombëtar kërkon besimin dhe ndarjen e drejtë të përgjegjësive. Ministri Çavusoglu, më pas është larguar nga Zvicra për të vazhduar vizitën e tij në Greqi. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com