Tërnava: Në BIK nuk ka ekstremistë

0

Gjatë një interviste në “RTK”, më tutje Tërnava ka ftuar që të gjithë të rinjtë që luftojnë në Irak dhe Siri që të kthehen në Kosovë. Ai ka deklaruar se BIK-u dhe institucionet e Kosovës, do të mundësojnë riintegrimin e tyre në shoqëri

Myftiu i Kosovës, Naim Tërnava është i bindur se në kuadër të Bashkësisë Islame të Kosovës, nuk ka njerëz ekstremistë, se përndryshe sipas tij nuk do ti lejonte asnjë minutë brenda. Por myftiu, Tërnava pranon se në Kosovës pas luftës, sipas tij disa imam po mundohen të shpjegojnë një islam më ndryshe.

“Po sigurisht po them ka edhe disa imamë jo shumë, pak imamë, të cilët kohëve të fundit, them këta pas luftës, kryesisht mundohen ta shpjegojnë islamin pak më ndryshe duke u munduar që vërtetë të largohen nga ajo çka është bazë dhe këtë ta kompensojnë në emër të asaj kulture të cilën e kanë marrë nga vendet kah kanë studiuar. Bashkësia Islame e Kosovës është e shqetësuar për këtë dhe nisur nga ky parim ne kemi mbajtur shumë takime”, është shprehur Tërnava.

Kryetari i Bashkësisë Islame të Kosovës, Tërnava, ndër të tjera ka folur edhe për shkuarjen e disa personave për të luftuar në Siri, dhe thotë se njerëzit që shkojnë për të luftuar në Siri, nuk ka asnjë bazë dhe parim islam.

Gjatë një interviste në “RTK”, më tutje Tërnava ka ftuar që të gjithë të rinjtë që luftojnë në Irak dhe Siri që të kthehen në Kosovë. Ai ka deklaruar se BIK-u dhe institucionet e Kosovës, do të mundësojnë riintegrimin e tyre në shoqëri. “Unë edhe një herë shfrytëzoj rastin që të ftoj të gjithë ata të rinj të cilët janë të përfshirë në luftë sot në Siri e disa edhe në Irak që ata të kthehen, e bëjë këtë thirrje edhe si Myfti i Republikës së Kosovës, e bëjë këtë thirrje edhe si një prind që ata të kthehen”, ka thënë Tërnava. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com