Stamboll – Papa bën thirje për bashkimin e kishave

0

Gjatës meshës që u mbajt sot në Stamboll Papa Françesku në mesazhin e tij i kërkoi liderit të Kishës Ortodokse Bartholomeos ribashkimin e dy kishave, si gjëja e vetme që kërkon Kisha Katolike e Romës.

Lideri i Kishës Katolike Papa Françesku ka mbajtur sot një meshë në kishën e Shën Jorgjit, e cila ndodhet brenda Patriakanës greke në Stamboll.
Papa Françesku ka dalë rreth orës 09:20 sipas orës lokale nga Përfaqësia e Vatikanit, e cila ndodhet në lagjen Harbije të qytetit, rreth një km larg sheshit “Taksim” për të shkuar në Patrikanën greke në Stamboll.
Në meshën e drejtuar nga Patriku Bartholomeos bashkë me Papa Françeskun mori pjesë dhe Ministri i Punëve të Jashtme të Greqisë Evangelos Venizelos, Kreu i Kishës Asiriane Jusuf Çetin si dhe Kryerabini i Turqisë Isak Havela.
Pas meshës, ku edhe Papa Françesku lexoi një frazë, Patriku Bartholomeos shpërndau për të pranishmit bukë me verë të bekuar gjatë kësaj meshe.
Pas meshës në fjalën e tij Patriku Bartholomeos tha se përpjekjet për bashkimin e dy kishave, ajo katolike perëndimore dhe ajo ortodokse lindore, kanë filluar 50 vite më parë në Kishën e Jerusalemit ndërmjet Patrikut Athenagoras dhe Papa Pali i VI dhe theksoi se rruga që kanë nisur mbase është një rrugë me shumë pengesa, por ajo është një rrugë e pakthyeshme.
Bartholomeos ka theksuar se të dyja kishat kanë përgjegjësitë e tyre për të ardhmen ashtu sikurse kanë përgjegjësi edhe për të kaluarën e tyre.
Bartholomeos cilësoi gjithashtu se njerëzimi ëshë i ndarë sot në grupe që luftojnë kundër njëri-tjetrit dhe i ndarë në shumë copa si dhe në shumicën e rasteve kujtojnë që këtë gjë e bëjnë në emër të zotit.
Papa Françesku në fjalën e tij tha se djalogu i vërtetë krijohet atëherë kur takohen dy njerëz të cilët kanë një fytyrë dhe një të kaluar.
Papa Françesku theksoi se ky takim përkon me 50 vjetorin e fillimit të diskutimeve për bashkimin e kishave dhe se për krijimin e një uniteti më duhet të theksoj se parimi i respektit është shumë i rëndësishëm.
“E vetmja gjë që kërkon Kisha Katolike, dhe këtë gjë e kërkoj si Kryepeshkop i Romës, është bashkimi me Kishën Ortodokse”, tha papa Françesku në një mesazh të lexuar para Patriarkut të Stambollit, Bartholomeu.
Papa Françesku në fjalën e tij vuri në dukje praninë e shumë grave dhe burrave që ndodhen në gjendje të veshtirë ekonomike dhe të mjerë si dhe në faktin e rritjes së papunësisë. Në këtë kuadër Papa Françesku theksoi se në këtë konteskt duhet të luftojmë kundër këtyre dukurive.
Duke prekur edhe luftrat apo përleshjet e armatosura në vendet të ndryshme të botës Papa Françesku tha: “këtu e ndjejmë më shumë zërin e kësaj llahtarie. Disa popuj në afërsi me zonën ku jemi ndodhen në një kolaps të tillë. Të shembësh paqen e një populli dhe të përdorësh dhunë ndaj një populli të pambrojtur dhe të varfër është gjynah shumë i madh tek Zoti”. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com